مەملەكەت باسشىسىنىڭ جارلىعىمەن داۋلەتبەك قايىربەكۇلى قۇسايىنوۆ قازاقستان رەسپۋبليكاسىنىڭ كاناداداعى توتەنشە جانە وكىلەتتى ەلشىسى بولىپ تاعايىندالدى، دەپ حابارلادى اقوردا.

ول قازاقستان رەسپۋبليكاسى پرەزيدەنتى اكىمشىلىگىنىڭ سىرتقى ساياسات جانە حالىقارالىق بايلانىستار ءبولىمىنىڭ مەڭگەرۋشىسى لاۋازىمىنان بوساتىلدى.

داۋلەتبەك قايىربەكۇلى 1977 جىلى 17 ناۋرىزدا سولتۇستىك قازاقستان وبلىسىندا دۇنيەگە كەلگەن.

ش.ءۋاليحانوۆ اتىنداعى كوكشەتاۋ ۋنيۆەرسيتەتىن، ەۋرازيا گۋمانيتارلىق ينستيتۋتىن جانە ستيرلينگ ۋنيۆەرسيتەتىن بىتىرگەن. ەڭبەك جولىن 1998 جىلى ش.ءۋاليحانوۆ اتىنداعى كوكشەتاۋ ۋنيۆەرسيتەتىندە نەمىس ءتىلى كافەدراسىنىڭ وقىتۋشىسى بولىپ باستاعان.

1999-2000 جىلدارى قر قورشاعان ورتانى قورعاۋ مينيسترلىگىنىڭ ۇلتتىق ورنىقتى دامۋ ورتالىعىنىڭ كەڭەسشىسى بولدى. ديپلوماتيالىق مانسابىن 2000 جىلى قر سىرتقى ىستەر مينيسترلىگىندە كوپجاقتى ىنتىماقتاستىق دەپارتامەنتىنىڭ اتتاشەسى لاۋازىمىنان باستاعان.

2004 جىلعا دەيىن سول دەپارتامەنتتە ءۇشىنشى، سودان كەيىن ەكىنشى حاتشى بولىپ جۇمىس ىستەدى. 2004-2008 جىلدارى بەلگياداعى قر ەلشىلىگىنىڭ ءۇشىنشى حاتشىسى بولدى.

2008-2009 جىلدارى قر يندۋستريا جانە ساۋدا مينيسترلىگىنىڭ ساۋدا كەلىسسوزدەرى دەپارتامەنتىندە باسقارما باستىعى قىزمەتىن اتقارعان. 2009-2014 جىلدارى قر پرەزيدەنتى اكىمشىلىگىندە سىرتقى ساياسات ورتالىعىنىڭ كەڭەسشىسى، ينسپەكتورى، سەكتور مەڭگەرۋشىسى، مەڭگەرۋشىسىنىڭ ورىنباسارى بولىپ جۇمىس ىستەدى. 2014-2017 جىلدارى – ۇلىبريتانياداعى قر ەلشىلىگىنىڭ كەڭەسشى-ۋاكىلى، ال 2017-2019 جىلدارى – اقش-تاعى قر ەلشىلىگىنىڭ كەڭەسشى-ۋاكىلى. قازاقستاننىڭ كاناداداعى ەلشىسى بولىپ تاعايىندالعانعا دەيىن 2019 جىلعى قازاننان باستاپ قر پرەزيدەنتى اكىمشىلىگىنىڭ سىرتقى ساياسات جانە حالىقارالىق بايلانىستار ءبولىمىنىڭ مەڭگەرۋشىسى بولعان. II cىنىپتى توتەنشە جانە وكىلەتتى ۋاكىل ديپلوماتيالىق دارەجەگە يە.

اعىلشىن، نەمىس، نيدەرلاند تىلدەرىن مەڭگەرگەن.

Abai.kz