قازاقستانعا وتاندىق تاكسي اگرەگاتورى قاجەت. Steppe Global Education باسشىسى دجوەل ەريكسون وسىنداي مالىمدەمە جاسادى، دەپ حابارلايدى Ulysmedia.kz.

ساراپشىنىڭ ايتۋىنشا، سول ارقىلى قازاقستان رەسەيگە كەتەتىن اقشانى ەلدە قالدىرۋعا بولادى.

«الماتىدا بولعانىم ەسىمدە، تاكسي جۇرگىزۋشىلەرى اۋەجايدان ورتالىققا دەيىن 60 مىڭ تەڭگە سۇرادى. مەنىڭ شەتەلدىك ەكەنىمدى بىلگەن شىعار، بىراق مەن ياندەكستى قولدانامىن. مەنىڭ سۇراعىم بار – نەگە قازاقستاندا وتاندىق تاكسي اگرەگاتورى جوق؟ بۇل جاقسى بولار ەدى. اسىرەسە الماتى مەن استانادا. ەگەر وتاندىق ياندەكس بولسا، قۇننىڭ تورتتەن ءبىر بولىگى رەسەيگە كەتپەس ەدى، اقشا وسىندا قالار ەدى. ولاردى ەلەكتر تاكسيلەرىنە ينۆەستيتسيالاۋعا بولادى»، - دەدى ەريكسون.

ول بۇل تۋرالى استانادا ءوتىپ جاتقان باۋىرلاس قالالار فورۋمىنا ايتتى.

سونداي-اق، ساراپشى استانا جاياۋ جۇرگىنشىلەر ءۇشىن ىڭعايلى قالا ەمەس دەپ ەسەپتەيدى. سونىمەن قاتار، ەريكسون ەلورداداعى ەلورداداعى كوپقاباتتى ۇيلەر «بىردەي كورىنەتىنىن جانە زەرىكتىرەتىنىن» اتاپ ءوتتى.

Abai.kz