قازاقستاندىق اۋىر اتلەتتەر 2024 جىلعى پاريج وليمپياداسىنان شەتتەتىلۋى مۇمكىن، دەپ جازادى Inside the games.

مامىر ايىندا فەدەراتسيا 6 سپورتشىدان دوپينگ-باقىلاۋدىڭ وڭ ناتيجەلەرى تۋرالى حابارلاما الدى. سونداي-اق ماۋسىمنىڭ باسىندا تاعى ءبىر اۋىر اتلەت ارتەم انتروپوۆتىڭ ناتيجەسى وڭ بولىپ شىقتى. وسىلايشا، قازىر 7 سپورتشى شەتتەتىلىپ وتىر. ونىڭ ىشىندە 2023 جىلعى ازيا چەمپيونى نۇرعيسا ادىلەتۇلى دا بار. ول الەمدىك وليمپيادا رەيتينگىندە العاشقى ورىندا تۇر.

جالپى، بارلىق سىناقتاردا بۇلشىقەت ماسساسىنىڭ ءوسۋىن قامتاماسىز ەتەتىن بوديبيلدەرلەر اراسىندا تانىمال زات تابىلعان. حالىقارالىق فەدەراتسيانىڭ ەرەجەلەرىنە سايكەس، ءبىر جىل ىشىندە 3 نەمەسە ودان دا كوپ دوپينگتىك بۇزۋشىلىقتار جاساعان ۇلتتىق فەدەراتسيالار 4 جىلعا دەيىن شەتتەتىلۋى مۇمكىن.

ال پاريجگە ىرىكتەۋ ەرەجەلەرىنە سايكەس، 2021 جىلدىڭ شىلدەسى مەن 2024 جىلدىڭ شىلدەسى ارالىعىندا 3 نەمەسە ودان دا كوپ دوپينگتىك بۇزۋشىلىقتار جاساعان ەلدەر وليمپيادا ويىندارىنا قاتىسۋدان اۆتوماتتى تۇردە شەتتەتىلەدى.

قازاقستان فەدەراتسياسى ۆ سىنامالارىن تالداۋدى سۇراتىپ، ءوز زەرتتەۋىن جۇرگىزەتىنىن مالىمدەدى.

ەگەر فەدەراتسيا دوپينگكە قاتىستى كەيبىر شەشىمدەر مەن تۇجىرىمدارعا قارسى شىققىسى كەلسە، بۇل بىرنەشە ايعا سوزىلادى، - دەدى سپورت شولۋشىسى برايان وليۆەر.

دەرەككوز: Halyq-uni

Abai.kz