قازاقستان رەسپۋبليكاسى ۇكىمەتىنىڭ قاۋلىسىمەن ارمان ءادىلحانۇلى جۇدەباەۆ قر مادەنيەت جانە سپورت ۆيتسە-ءمينيسترى قىزمەتىنە تاعايىندالدى.

ارمان جۇدەباەۆ 1986 جىلى الماتى وبلىسىندا دۇنيەگە كەلگەن.

قۇرمانعازى اتىنداعى قازاق ۇلتتىق كونسەرۆاتورياسىن تامامداعان.

ەڭبەك جولىن 2006 جىلى «الماتى اۋەندەرى» مكقك-دا ءارتىس-اسپاپشى قىزمەتىنەن باستاعان.

2007-2009 جىلدارى — «قۇرمانعازى اتىنداعى قازاق مەملەكەتتىك اكادەميالىق حالىق اسپاپتارى وركەسترi» رمقك دومبىرا توبىنىڭ ءارتىسى.

2009-2011 جىلدارى — «قۇرمانعازى اتىنداعى قازاق ۇلتتىق كونسەرۆاتورياسى» رمم ديريجەرلەۋ كافەدراسىنىڭ وقىتۋشىسى.

2011-2013 جىلدارى — وقىتۋشى; «قۇرمانعازى اتىنداعى قازاق ۇلتتىق كونسەرۆاتورياسى» رمم دومبىرا كافەدراسىنىڭ وقىتۋشىسى، اعا وقىتۋشىسى.

2013-2018 جىلدارى — «قۇرمانعازى اتىنداعى قازاق مەملەكەتتىك اكادەميالىق حالىق اسپاپتارى وركەسترi» رمقك باس ديريجەرى.

2018-2023 جىلدارى — «قۇرمانعازى اتىنداعى قازاق ۇلتتىق كونسەرۆاتورياسى» رمم رەكتورى.

2023 جىلدىڭ مامىر ايىنان باستاپ قازىرگى ۋاقىتقا دەيىن قر مادەنيەت جانە سپورت مينيسترلىگى مادەنيەت كوميتەتىنىڭ توراعاسى قىزمەتىن اتقاردى.

وسى لاۋازىمدى بۇرىن اتقارعان داۋەشوۆ نۇرعيسا مۇراتۇلى قىزمەتتەن بوساتىلدى.

Abai.kz