2023 جىلعى نەگىزگى ۇبت قورىتىندىسىن جاريالاعان عىلىم جانە جوعارى ءبىلىم ۆيتسە-ءمينيسترى قۋانىش ەرعاليەۆ بيىل گرانتتىڭ 60%-ى تەحنيكالىق ماماندىقتارعا ءبولىندى. بولىنگەنىن ايتتى.

«بيىل باكالاۆرياتقا 73 مىڭ گرانت ءبولىنىپ وتىر. مەملەكەت باسشىسىنىڭ تاپسىرماسى بويىنشا بارلىق گرانتتىڭ 60%-ى تەحنيكالىق ماماندىقتارعا ءبولىندى.

گرانتتاردىڭ باسىم بولىگى «ينجەنەرلىك، وڭدەۋ، قۇرىلىس سالالارى» ءبىلىم بەرۋ باعدارلاما توپتارىنا ءبولىندى. ولاردىڭ سانى 18 744 گرانت دەگەن ءسوز. ال «پەداگوگيكالىق عىلىمدارعا» – 12 560 گرانت، «اقپاراتتىق-كوممۋنيكاتسيالىق تەحنولوگيالار» سالاسىنا – 10 103 گرانت، «جاراتىلىستانۋ عىلىمدارى، ماتەماتيكا جانە ستاتيستيكا» باعىتىنا – 7 388 گرانت تيەسىلى. «سەرپىن» باعدارلاماسى ارقىلى تۇسۋشىلەرگە 3 653 گرانت بولىنگەن»، - دەدى ۆيتسە-مينيستر.

ونىڭ ايتۋىنشا، بيىل حالىق تىعىز قونىستانعان باتىس جانە جاڭادان قۇرىلعان وڭىرلەردىڭ جاستارى ءۇشىن گرانتتار بولىنگەن.

«گرانتتار بىلاي بولىنگەن: اتىراۋ وبلىسى – 1500, ماڭعىستاۋ وبلىسى – 1500, ۇلىتاۋ وبلىسى – 300, جەتىسۋ وبلىسى – 300, اباي وبلىسى – 500, شىمكەنت – 400, تۇركىستان وبلىسى – 500. بۇل گرانتتار پەداگوگيكالىق، ينجەنەرلىك، IT ماماندىقتارعا جانە جاراتىلىستانۋ عىلىمدارىنا بولىنگەن.

بيىل پەداگوگيكالىق كۆوتا 47%-عا دەيىن ۇلعايتىلدى. سونداي-اق، العاش رەت اۋىل شارۋاشىلىق جانە ينجەنەرلىك باعىتتاردى قولداۋ ماقساتىندا پيلوتتىق رەجيمدە ارنايى كۆوتا ءبولىندى. بۇل گرانتتار وڭىرلىك جوو-لاردا ورنالاستىرىلادى»، - دەدى قۋانىش ەرعاليەۆ.

Abai.kz