ۋكراينانىڭ رەسەي باسىپ العان ماريۋپول قالاسىنداعى «ازوۆستال» زاۋىتىن قورعاپ، كەيىن تۇتقىنعا تۇسۋگە ءماجبۇر بولعان، كەشە ۋكراينا پرەزيدەنتىمەن بىرگە كيەۆكە ۇشىپ كەلگەن بەس كوماندير ۇرىس قيمىلدارىنا تاعى ارالاساتىنىن مالىمدەگەن. 

بۇل تۋرالى لۆوۆ قالاسىندا جۋرناليستەرمەن كەزدەسكەن «ازوۆ» بريگاداسىنىڭ كومانديرى دەنيس پروكوپەنكو ايتقان.

«ازوۆ» بيرگاداسى كومانديرىنىڭ ورىنباسارى سۆياتسلاۆ پالامار دا «ءبىز ورالدىق، ءارى قاراي دا جۇمىسىمىزدى جالعاستىرامىز»،-دەدى.

ماريۋپولدەگى «ءازوۆستالدى» قورعاۋشىلاردىڭ كيەۆكە ورالعانى 8 شىلدەدە ءمالىم بولعان. بەس كوماندير ۆلاديمير زەلەنسكيمەن بىرگە ستامبۋلدان ۇشىپ كەلگەن. ولار ۋكراينانىڭ قاماۋداعى رەسەيشىل دەپۋتاتى ۆيكتور مەدۆەدچۋكپەن ايىرباستالىپ، تۇركيا پرەزيدەنتى رەدجەپ ەردوعاننىڭ جەكە كەپىلدىگىمەن ستامبۋلدا تۇرعان.

ايىرباس كەزىندە «ازوۆ» جاۋىنگەرلەرى سوعىس اياقتالعانشا ۋكرايناعا قايتارىلمايتىنى تۋرالى كەلىسىم جاسالعان.

ماسكەۋ كيەۆ پەن تۇركيا كەلىسىمدى بۇزدى دەپ ايىپتادى. ءپۋتيننىڭ ءباسپاسوز حاتشىسى دميتري پەسكوۆتىڭ سوزىنشە، «ازوۆ» جاۋىنگەرلەرىنىڭ ۋكرايناعا قايتارىلاتىنى تۋرالى ەشكىم حابار بەرمەگەن.

Abai.kz