500-گە تارتا رەسەي جانە بەلارۋس سپورتشىسى قىركۇيەكتىڭ 23-ءى مەن قازاننىڭ 8-ءى ارالىعىندا قىتايدىڭ حانچجوۋ قالاسىندا وتەتىن ازيا ويىندارىنا قاتىسادى. بۇل جونىندە Inside The Games حابارلادى. 

سپورتشىلار ەلدەرىنىڭ ەشقانداي ۇلتتىق بەلگىلەرىن قولدانباي، بەيتاراپ تۋ استىندا قاتىسادى. ولار سونىمەن بىرگە جەڭگەن كۇننىڭ وزىندە جارىس مەدالىن الا المايدى. بۇل تەك 2024 جىلى پاريجدە وتەتىن وليمپيادا ويىندارىنا جولداما الۋعا مۇمكىندىك بەرەدى.

بيىل ناۋرىز ايىندا حالىقارالىق وليمپيادا كوميتەتى رەسەي جانە بەلارۋس سپورتشىلارىنا قاتىستى ۇسىنىسىن شىعارعان:

رەسەي جانە بەلارۋس سپورتشىلارى تەك ۇلتتىق رامىزدەردى قولدانباي جەكە جارىستارعا قاتىسا الادى;

سپورتشىلار رەسەيدىڭ ۋكرايناعا قارسى اگرەسسياسىن قولداماۋى ءتيىس;

بۇل سپورتشىلار اسكەري نەمەسە قاۋىپسىزدىك قىزمەتكەرلەرى بولماۋى ءتيىس.

Abai.kz