ستولتەنبەرگ: «ناتو-عا كىرۋ ءۇشىن ۋكراينا جەڭۋ كەرەك»
ۋكراينانىڭ بولاشاعى ناتو-دا، بىراق بارلىق مۇشە ەلدەر كەلىسىم بەرىپ، بارلىق شارتتار اتقارىلعاندا عانا كيەۆتى ءوز قاتارىمىزعا شاقىرامىز.
مۇنداي پىكىرىن سولتۇستىك اتلانتيكا اليانسىنىڭ باس حاتشىسى يەنس ستولتەنبەرگ ناتو-نىڭ ءسامميتى ءوتىپ جاتقان ۆيلنيۋس قالاسىنداعى ءباسپاسوز ءماسليحاتىندا ايتتى.
ستولتەنبەرگ ۋكراينا مۇشەلىككە جاقىنداعانىن اتاپ ءوتىپ، مۇنى ۇيىمداعى ولكەلەر رەسەي باسىپ كىرگەننەن بەرى كيەۆكە قولداۋ كورسەتىپ جاتقانىمەن تۇسىندىردى. ول ەڭ باستىسى بۇل سوعىستا ۋكراينانىڭ جەڭىپ شىعۋىن قامتاماسىز ەتۋ كەرەك ەكەنىن، ونسىز مۇشەلىك ماسەلەسى تالقىلانبايتىنىن ايتتى.
سەيسەنبىدە ليتۆاعا بارا جاتقاندا ۋكراينا پرەزيدەنتى ۆلاديمير زەلەنسكي ەگەر ۇيىم مۇشەلەرى كيەۆتىڭ ناتو-عا قابىلدانۋى جايىندا ناقتى كەستە قۇرماسا، وندا بۇل "ابسۋرد" بولادى دەگەن. سامميت اياسىندا ول اقش پرەزيدەنتىمەن كەزدەسەدى.
Abai.kz
