قر پرەمەر-ءمينيسترىنىڭ ورىنباسارى – قارجى ءمينيسترى ەرۇلان جاماۋباەۆ بيۋدجەت قاراجاتىن ءتيىمدى يگەرە الماعان ورگاندار مەن وڭىرلەردى اتادى.

«جەرگىلىكتى بيۋدجەتتەردىڭ كىرىستەرى 121,7%-كە اتقارىلدى جانە 3,1 ترلن تەڭگەنى قۇرادى. جوسپار 552 ملرد تەڭگەگە، ونىڭ ىشىندە سالىقتار بويىنشا 504 ملرد تەڭگەگە اسىرا ورىندالدى. كىرىستەر بويىنشا جوسپارلار بارلىق وڭىرلەردە اسىرا ورىندالدى»، - دەدى مينيستر ۇكىمەتتىڭ بۇگىنگى وتىرىسىندا.

ونىڭ ايتۋىنشا، مەملەكەتتىك بيۋدجەت شىعىستارى 99,3%-كە، رەسپۋبليكالىق بيۋدجەت شىعىستارى – 99,4%-كە، جەرگىلىكتى بيۋدجەتتەردىڭ شىعىستارى 99,5%-كە اتقارىلدى.

«رەسپۋبليكالىق بيۋدجەت بويىنشا سوماسى 11 ترلن تەڭگەگە شىعىستار جۇرگىزىلدى. مۇندا 62 ملرد تەڭگە اتقارىلماي قالدى، ونىڭ ىشىندە 13 ملرد تەڭگە – ۇنەمدەۋ بولسا، 49 ملرد تەڭگە يگەرىلمەگەن. يگەرىلمەۋدىڭ اناعۇرلىم ءىرى سومالارى توتەنشە جاعدايلار، ەكولوگيا جانە تابيعي رەسۋرستار، مادەنيەت جانە سپورت جانە سىرتقى iستەر مينيسترلىكتەرىندە قالىپتاستى. يگەرىلمەۋدىڭ نەگىزگى سەبەپتەرى: كونكۋرستىق راسىمدەردى ۇزاق وتكىزۋ; شوت-فاكتۋرالار، اتقارىلعان جۇمىس اكتىلەرىنىڭ ۋاقىتىلى وتكىزىلمەۋى; ەسەپتى ايدا قاراجاتتى جۇمساۋ قاجەتتىلىگىنىڭ بولماۋى»، - دەدى ە. جاماۋباەۆ.

جەرگىلىكتى بيۋدجەتتەردىڭ شىعىستارى 5,8 ترلن تەڭگەنى قۇرادى. وندا 28 ملرد تەڭگە اتقارىلماي قالعان.

«بيىل وڭىرلەرگە 2 ترلن تەڭگەگە جۋىق نىسانالى ترانسفەرتتەر كوزدەلگەن. ولارعا 1 شىلدەگە 755 ملرد تەڭگە بولىنگەن. ونىڭ 99% يگەرىلگەن. يگەرىلمەي قالعان 8 ملرد تەڭگە اقتوبە، قاراعاندى، اقمولا جانە اتىراۋ وبلىستارىندا قالىپتاستى»، - دەپ ءتۇسىندىردى قارجى ءمينيسترى.

Abai.kz