«سەمەي ورمانى» رەزەرۆاتى بۇگىن ساعات 13.00-دە اباي وبلىسى بورودۋليحا اۋدانىنداعى ورمان ءورتى تولىعىمەن سوندىرىلگەنىن مالىمدەدى. جالىن شارپىعان اۋماق - 60 مىڭ گەكتار.

تارتىلعان كۇش-قۇرالداردىڭ كومەگىمەن بۇل ءورت 14 ماۋسىم ساعات 21:00-دە وقشاۋلانعان بولاتىن.

بۇعان دەيىن ايتىلعانداي، ءورت وقشاۋلانىپ، تجم ماماندارى كەتكەن ساتتەن باستاپ ورمان قايتا ورتەنبەس ءۇشىن ەكولوگيا جانە تابيعي رەسۋرستار مينيسترلىگىنىڭ ورمان ءورت ستانسالارى كەزەكشىلىك ۇيىمداستىردى.

ءورتتىڭ بۇكىل پەريمەترىندە پاترۋلدەۋ جۇرگىزىلدى.

ءورت كولەمى ودان ءارى ۇلعايماي، تارالۋى توقتاعاننان كەيىن عانا ونىڭ وقشاۋلانعانى حابارلانادى.

بۇل رەتتە ءورتتىڭ قايتا تۇتانۋىنا جول بەرمەس ءۇشىن بۇكىل شارالار قابىلدانىپ، جانۋى توقتاعان كەزدە ءورت ءسوندىرىلدى دەپ ەسەپتەلەدى.

ەسكە سالا كەتەيىك، 14 ورمانشى سەمەي ورمانىنداعى ءورتتى ءسوندىرىپ ءجۇرىپ مەرت بولدى.

فوتو: اشىق دەرەككوزدەن

Abai.kz