«ارسەلور-ميتتال تەمىرتاۋ» قازاقستاندىق مەردىگەرلەردىڭ قۇقىعىن بۇزۋدا

قر پرەمەر-ءمينيسترىنىڭ 
ءبىرىنشى ورىنباسارى 
ر.ۆ.سكليارعا

بىرقاتار كاسىپورىندار «اق جول» پارتياسىنا «ارسەلور-ميتتال تەمىرتاۋ» باس ديرەكتورىنىڭ ءۇشىنشى تاراپ قىزمەتتەرى مەن جابدىقتاردى جالعا الۋ شىعىندارىن وڭتايلاندىرۋ تۋرالى بۇيرىعىنا قاتىستى ءوتىنىش ءبىلدىردى.

بۇيرىققا سايكەس، قىزمەتتەردى ساتىپ الۋ جانە جابدىقتاردى جالعا بەرۋ تۋرالى وتىنىشتەردى قاراۋ بويىنشا كوميسسيا قۇرىلۋدا. سونىمەن بىرگە، «...تاپسىرىس بەرۋشى تسەحتارى وندىرىستىك بولىممەن بىرلەسىپ، جابدىقتى جالعا بەرۋ قىزمەتتەرىن جانە بوگدە مەكەمەلەر ورىندايتىن جۇمىس كولەمىن 20%-عا قىسقارتۋى قاجەت» ەكەندىگى ايتىلۋدا.

قامتاماسىز ەتۋ قىزمەتى بوگدە مەكەمەلەردى SRDCc باعدارلاماسىن 50%-دان تومەن پايىزبەن، سونداي-اق اعىمداعى قىزمەت كورسەتۋ جۇمىستارىن 20%-عا جانە ءۇشىنشى تاراپ قىزمەتتەرى بويىنشا ءبىر جولعى جۇمىسىن توقتاتۋ تۋرالى حابارلاۋى كەرەك.

وسىلايشا، اتالمىش شەتەلدىك ينۆەستوردىڭ قىزمەتىندەگى جەرگىلىكتى قامتۋدى ارتتىرۋدىڭ ورنىنا قازاقستاندىق كاسىپورىنداردى تارتۋدى قىسقارتۋ نيەتى رەسمي تۇردە جاريالاندى.

بۇل شەشىم بۇرىن «ارسەلور-ميتالل» كومپانياسىمەن كەلىسىمشارتقا وتىرعان مەردىگەرلەرگە كەرى اسەرىن تيگىزىپ، سونىمەن قاتار ولار الاتىن تولەمنىڭ تومەندەۋىنە اكەلەدى. كاسىپكەرلەر قايتا ەسەپتەۋ جانە ورىندالعان جۇمىس ءۇشىن تولەمدى كەشىكتىرۋ سالدارىنان ۇستاي المايتىن ماماندار شتاتىن قىسقارتۋعا ءماجبۇر بولادى.

ياعني، «ارسەلور ميتتال تەمىرتاۋ» كەلىسىمشارتتىق مىندەتتەمەلەردى بۇزۋدا. تەمىرتاۋ قالالىق كاسىپكەرلىك جانە قىزمەت كورسەتۋ قىزمەتكەرلەرى كاسىپوداق ۇيىمىنىڭ مالىمەتىنشە، شەتەلدىك ينۆەستور 12 جەرگىلىكتى كاسىپكەرگە 700 ميلليون تەڭگەنى تولەۋدى كەشىكتىرۋدە، تولەمدى كەشىكتىرۋ قازىردىڭ وزىندە 90 كۇننەن اسقان; ال باسقا قازاقستاندىق مەردىگەرلەرگە جالپى قارىزى بۇدان ون ەسە كوپ.

قازاقستاندىق كاسىپكەرلەر ءوز مىندەتتەمەلەرىن بۇزباۋ جانە جۇمىس ورىندارىن ساقتاپ قالۋ ءۇشىن سالىقتى، الەۋمەتتىك تولەمدەردى، جالاقىنى تولەۋ، بازالار مەن قويمالاردى ۇستاۋ ءۇشىن قازىرگى جويداسىز پايىزدىق مولشەرلەمەمەن نەسيە الۋعا ءماجبۇر.

بىراق وتاندىق كاسىپكەرلەر «ارسەلور-ميتتال تەمىرتاۋدان» ادال جولمەن تاپقان اقشاسىن الماي قالۋ قاۋپى كۇننەن-كۇنگە ايقىندالا تۇسۋدە.

دەمەك، حالىق مەنشىگىندەگى جەر قويناۋىنىڭ قىزىعىن كورىپ جاتقان شەتەلدىك ينۆەستور تاپقان پايداسىن قازاقستان ىشىندە پايدالانۋدان جالتارىپ، ونى ماقساتتى تۇردە باسقا جاققا اۋدارىپ وتىرعانى بەلگىلى بولدى.

جوعارىدا ايتىلعاندارعا بايلانىستى، قۇرمەتتى رومان ۆاسيلەۆيچ، «اق جول» دەپۋتاتتىق فراكتسياسى كەلەسى شارالاردى قابىلداۋ قاجەت دەپ سانايدى:

1. ۋاكىلەتتى ورگاندارعا وسى جاعدايدى رەتتەۋدى، قولدانىستاعى شارتتاردى نەگىزسىز بۇزۋدى توقتاتۋدى، بارلىق قارىزداردى تولەۋدى قامتاماسىز ەتۋدى جانە ادال قازاقستاندىق بيزنەستى قورعاۋدى بۇيىرۋ;

2. ينۆەستوردى مەملەكەتتىك ساتىپ الۋ جۇيەسىنە ۇقساس جۇمىستاردى ورىنداۋ، قىزمەت كورسەتۋ جانە جابدىقتى جالعا بەرۋ بويىنشا اشىق كونكۋرستار وتكىزۋگە مىندەتتەۋ;

- وسى ماقساتتا وتاندىق شاعىن جانە ورتا بيزنەس مەردىگەرلەرى ءۇشىن ناقتى جانە ءادىل تالاپتارى بار، ونىڭ ىشىندە تولەمدەردىڭ ناقتى مەرزىمدەرى مەن جاسالعان كەلىسىم-شارتتارعا بىرجاقتى وزگەرىستەر ەنگىزۋگە تىيىم سالاتىن ءىرى جەر قويناۋىن پايدالانۋشىلارمەن ۇلگىلىك كەلىسىمشارتتار ازىرلەۋ;

- وتاندىق مەردىگەرلەرمەن 3-5 جىل بويىنا ۇزاق مەرزىمدى كەلىسىمشارتتار جۇيەسىنە كوشۋ.

«اق جول» فراكتسياسىنىڭ دەپۋتاتتارى

Abai.kz