الەۋمەتتىك جەلىلەردە ءماجىلىس دەپۋتاتى باقىتجان بازاربەكتىڭ كازينودا وتىرعان فوتوسى تارادى. وسىعان بايلانىستى دەپۋتات ءمان-جايدى ءتۇسىندىردى.

«فوتو وسىدان 7 اي بۇرىن، مەن ءماجىلىس دەپۋتاتى بولماي تۇرىپ تۇسىرىلگەن»، - دەپ جازدى باقىتجان بازاربەك Facebook پاراقشاسىندا.

مالىمدەۋىنشە، ماجىلىسكە دەيىن ول جەر ماسەلەلەرى بويىنشا كوممەرتسيالىق زاڭگەر بولىپ جۇمىس ىستەگەن. بۇرىن-سوڭدى مەملەكەتتىك قىزمەتتەردە جۇمىس ىستەمەگەن.

«كوممەرتسيالىق زاڭگەر رەتىندە ۋاقىتىمدى قايدا جانە قالاي وتكىزۋدى جەكە ماسەلە دەپ ويلايمىن»، - دەيدى حالىق قالاۋلىسى.

سونداي-اق، ب. بازاربەك فوتوسىنىڭ جەلىدە تاراۋىن سوڭعى ۋاقىتتا ءماجىلىس تريبۋناسىندا وزەكتى جانە جەر ماسەلەلەرىن كوتەرۋىمەن بايلانىستىرادى.

«ويىن بيزنەسىنە قارسىمىن، تىيىم سالۋدى قولدايمىن. بۇل تۋرالى پارلامەنت ءماجىلىسىنىڭ جۇمىس توبى وتىرىسىندا ايتقان بولاتىنمىن. ويىن بيزنەسىنە تىيىم سالۋ كەرەكتىگى تۋرالى پەتيتسيا جاريالانسا ءبىرىنشى بولىپ مەن قول قويامىن»، - دەلىنگەن جازبادا.

Abai.kz