وزبەكستاندا شەتەلدىك ينۆەستورلاردىڭ قاتىسۋىمەن قۇرىلعان 1300 كاسىپورىننىڭ 376-سى رەسەيگە تيەسىلى. وسىلاي دەپ وزبەكستاننىڭ ستاتيستيكا اگەنتتىگى حابارلادى. 

سوڭعى بەس ايدا رەسەي وزبەكستاندا بىرلەسكەن كاسىپورىن اشۋ بويىنشا ءبىرىنشى ورىندا تۇر. ودان كەيىن قىتاي 245 كاسىپورىن اشقان. تۇركيانىڭ قاتىسۋىمەن 121 كاسىپ اشىلسا، قازاقستاننىڭ قاتىسۋىمەن 780 بىرلەسكەن كاسىپورىن جۇمىسىن باستاعان.

2023 جىلدىڭ 1 ماۋسىمداعى كورسەتكىش بويىنشا، وزبەكستاندا شەتەلدىك كاپيتالدىڭ قاتىسۋىمەن جالپى 12 807 كاسىپورىن بار. ونىڭ 2 884-ءسى رەسەيگە، 1 823-ءسى قىتايعا، 1 771-ءسى تۇركياعا جانە 957-ءسى قازاقستانعا تيەسىلى.

وزبەكستاننىڭ سىرتقى ساۋدا اينالىمى قاڭتار-مامىر ايلارىندا 25,8 ملرد دوللاردى قۇراعان. ونىڭ ىشىندە قىتايمەن ساۋدا اينالىمى 4,5 ملرد دوللار، رەسەيمەن 3,8 ملرد دوللار جانە قازاقستانمەن 1,9 ملرد دوللار.

رەسەي ۋكرايناعا باسىپ كىرگەننەن كەيىن باتىس ەلدەرىنىڭ سانكتسياسىندا. وسىدان كەيىن رەسەي مەن وزبەكستاننىڭ بىرلەسكەن كاسىپورىندارى كوبەيە باستادى.

Abai.kz