كولىك پروكۋراتۋراسى «قازاقستان تەمىر جولى» باسشىلىعىنىڭ تەمىر جول كولىگىندەگى قاۋىپسىزدىكتى بۇزۋدىڭ كەز كەلگەن جاعدايلارىن فوتو جانە ۆيدەوعا تۇسىرۋگە تىيىم سالۋ تۋرالى تەلەگرافتىق نۇسقاۋىنىڭ كۇشىن جويدى.

بۇل تاپسىرما قازاقستان كونستيتۋتسياسىنىڭ 20-بابىنىڭ 2-تارماعىنا قايشى كەلەدى.

وعان سايكەس، اركىمنىڭ زاڭ جۇزىندە تىيىم سالىنباعان كەز كەلگەن تاسىلمەن ەركىن اقپارات الۋعا جانە تاراتۋعا قۇقىعى بار.

مۇنداي شەكتەۋ ەڭ الدىمەن تەمىرجولداعى اپاتتاردى تەرگەۋ كەزىندە دالەلدەر بازاسىن جيناۋدى قيىنداتتى.

سونىمەن قاتار ءارتۇرلى وقيعالاردى جاسىرۋعا جاعداي جاساپ، بۇل جالپى وسى سالاداعى قاۋىپسىزدىك جاعدايىنىڭ ناشارلاۋىنا اكەلۋى مۇمكىن ەدى.

بۇگىنگى تاڭدا پروكۋراتۋرانىڭ نارازىلىعى تولىق كولەمدە قاناعاتتاندىرىلىپ، ءتيىستى نۇسقاۋ زاڭسىز دەپ تانىلدى.

Abai.kz