كەيىنگى بىرنەشە اپتادا تۇرىك پوليتسياسى مەكەمەلەر مەن كاسىپورىنداردى تەكسەرىپ، مىڭداعان زاڭسىز ميگرانتتى ۇستادى.

"Ahaber" تەلەارناسىنىڭ حابارلاۋىنشا، كەيىنگى ايدا تۇرىك پوليتسياسى ەلدەگى زاڭسىز ميگرانتتاردى انىقتاۋ مەن ۇستاۋ ماقساتىنداعى رەيدتەردى كوبەيتكەن. اسىرەسە ستامبۇل قالاسى مەن تۋريستىك ايماقتار تەكسەرىلىپ جاتىر.

"كەيىنگى ەكى كۇندە عانا 18 ميگرانت ۇستالدى. ءبىر ايدا 15 مىڭنان استام زاڭسىز ميگرانت ۇستالدى. 6 مىڭعا جۋىق ادام دەپورتاتسيالاندى. تاعى 9 مىڭعا جۋىق زاڭسىز ميگرانتتى دەپورتاتسيالاۋ ءىسى ءجۇرىپ جاتىر" دەپ حابارلادى تەلەارنا.

وسىنىڭ الدىندا عانا تۇركيا پرەزيدەنتى رەجەپ تايپ ەردوعان تۇرىك ازاماتتارى "زاڭسىز ميگرانتتار ماسەلەسى قالاي شەشىلىپ جاتقانىن سەزەدى" دەپ مالىمدەگەن.

ستامبۇلدا تۇراتىن تۇركىمەن ازاماتتارىنىڭ ايتۋىنشا، كەيىنگى اپتالاردا رەيدتتەر كەزىندە كەم دەگەندە التى وتانداسى ۇستالىپ، تۋزلا اۋدانىنداعى دەپورتاتسيالاۋ ورتالىعىنا تۇسكەن.

Abai.kz