ۋكرايندار تاراپى اعىلشىن-فرانتسۋزدىق «Storm shadow» زىمىرانىمەن رەسەيگە سوققى جاسادى.

19 شىلدە كۇنى تاڭعى ساعات 04.30-دا قىرىمنىڭ كيروۆ اۋدانىندا ورنالاسقان وق-ءدارى مەن قارۋ-جاراق قويماسىنا ۋكرايندار تاراپىنان اعىلشىن-فرانتسۋزدىق «StormShadow» زىمىرانىمەن سوققى جاسالدى.

جاۋلاپ الىنعان قىرىمنىڭ باسشىسى سەرگەي اكسەنوۆ جارتى ارالدىڭ شىعىسىنداعى قارۋ-جاراق قويماسىندا ءورت شىققانىن راستادى. ول ءوزىنىڭ تەلەگراممداعى قىسقاشا جازباسىندا "كيروۆ اۋدانىنداعى پوليگوندا ءورت شىققاندىقتان «تاۆريدا» اۆتوكولىك تراسسى جابىلدى" دەپ حابارلاما جاسادى. اكسەنوۆ وق-ءدارى مەن قارۋ-جاراق ەمەس، اشەيىن ءبىر ءورت دەپ مالىمدەسە دە، ونداي ءورت ءۇشىن بۇكىل قوزعالىس توقتالمايدى عوي.

بۇل حابارلاماعا دەيىن ۋكرايندىق تەلەگرام-ارنالارى وسى اۋدانداعى "ستارىي كرىم" قالاسىنا جاقىن ورنالاسقان قارۋ-جاراق قويماسىنداعى جارىلىستىڭ بىرنەشە بەينەتۇسىرىلىمىن ۇسىنعان بولاتىن.

بۇل جەردىڭ رەسەي ءۇشىن ماڭىزى زور، ويتكەنى، «تاۆريدا» اۆتوكولىك  تراسسى جارتى ارال ورتالىعى سيمفەروپولدى قىرىم كوپىرى ارقىلى رف بايلانىستىرادى. وسى ورتكە وراي ونداعى ءتورت ەلدى مەكەندە تۇراتىن 2000 اسا ادام ۋاقىتشا باسقا جەرگە ورنالاستىرىلدى.

Abai.kz