قاراعاندى وبلىسىنداعى دالا ورتىنە بايلانىستى 3 اۋىلدىق وكرۋگتە توتەنشە جاعداي جاريالانۋى مۇمكىن.

«قاراعاندى وبلىسى شەت اۋدانىنا قاراستى تالدى، اقشوقى، اقسۋ-ايۋلى اۋىلدىق وكرۋگتەرىنىڭ اۋماعىندا 2023 جىلدىڭ 14 شىلدەسىنەن دالا جانە ورمان ورتتەرىنىڭ ورىن الۋىنا بايلانىستى جەرگىلىكتى اۋقىمداعى تابيعي سيپاتتاعى توتەنشە جاعداي جاريالانسىن. ونى جويۋ بويىنشا باسشىسى بولىپ شەت اۋدانى اكىمىنىڭ ورىنباسارى داۋرەن كارسەمباەۆ تاعايىندالسىن جانە وسى شەشىمنەن تۋىندايتىن ءتيىستى ءىس-شارالاردى جۇرگىزۋ تاپسىرىلسىن»، - دەلىنگەن اشىق نقا پورتالىندا جاريالانعان شەت اۋدانىنىڭ اكىمى مۇحيت مۇحتاروۆتىڭ شەشىمىندە.

توتەنشە جاعداي جاريالاۋعا باعىتتالعان قۇجات ەرتەڭ، ياعني 21 شىلدەدەن باستاپ كۇشىنە ەنەدى.

ەسكە سالايىق، بۇعان دەيىن قاراعاندى وبلىسىندا ءورت وقيعالارى جيىلەگەنى ايتىلعان.

سۋرەت: عالامتوردان

Abai.kz