«دوپينگكە قارسى ەرەجەلەردى بۇزعانى ءۇشىن 2016 جىلى 14 سپورتشى 2 جىلدان 4 جىلعا دەيىن، 2017 جىلى 15 سپورتشى (ونىڭ ىشىندە 1 ءومىر بويىنا) جانە 1 جاتتىقتىرۋشى، 2018 جىلى 37 سپورتشى، 2019 جىلى 44 سپورتشى، 2020 جىلى 14 سپورتشى جارىستان شەتتەتىلدى. ديسكۆاليفيكاتسيا كەزەڭىندە سپورتشى مەن جاتتىقتىرۋشىعا سپورتتىق ءىس-شارالارعا جانە سپورتتىق ءىس-شارالار شەڭبەرىندەگى وقۋ-جاتتىعۋ پروتسەسىنە قاتىسۋعا رۇقسات ەتىلمەيدى»، - دەلىنگەن قۇجاتتا.

وسىعان بايلانىستى مينيسترلىك ەڭبەك كودەكسىنە ديسكۆاليفيكاتسيا ۋاقىتىندا سپورتشى مەن جاتتىقتىرۋشىنى شتاتتاعى قىزمەتكەرلەر قاتارىنان شىعارۋ نورماسىن ەنگىزۋدى ۇسىنىپ وتىر.

«قازىرگى ۋاقىتتا قۇراما كوماندانىڭ مۇشەسى ەڭبەك شارتى نەگىزىندە شتاتتاعى قىزمەتكەر سانالادى. بۇل رەتتە قر ەڭبەك كودەكسىندە سپورتتىق قىزمەتتىڭ ەرەكشەلىگىن ەسكەرە وتىرىپ، ونى بۇزعان جاعدايداعى نەگىزدەر كوزدەلمەگەن. اتاپ ايتقاندا، ءومىر بويىنا نەمەسە 6 اي يا بولماسا ودان دا كوپ مەرزىمگە سپورتتان شەتتەتۋ كەزىندە سپورتشى مەن جاتتىقتىرۋشى دا جۇمىس ىستەمەيتىنى بەلگىلى. الايدا ەڭبەك كودەكسىنە سايكەس، اتالعان نەگىزدەر ەڭبەك شارتىن بۇزۋ ءۇشىن نەگىز بولىپ تابىلمايدى»، - دەپ ءمالىم ەتتى ۆەدومستۆو.

ايتا كەتەيىك، جۋىردا 2022 جىلعى ازيا چەمپيوناتىنىڭ قولا جۇلدەگەرى ءساماتالى تولتاەۆتىڭ ورالتۋرينابول انابوليكالىق ستەرويدىن قولدانعانى اشكەرەلەندى. ول 2026 جىلدىڭ 31 ناۋرىزىنا دەيىن سپورتتان شەتتەتىلدى.

ال بانگكوكتا وتكەن 2023 جىلعى ازيا جاستار چەمپيوناتىنىڭ كۇمىس جۇلدەگەرى سەرىك ابزال مەتاستەروندى قولدانعانى ءۇشىن 2026 جىلدىڭ 7 ساۋىرىنە دەيىن جارىستارعا قاتىسا المايدى.