تجم ورتكە قارسى قىزمەت كوميتەتىنىڭ توراعاسى، سونداي-اق شىمكەنت قالاسى مەن جەتىسۋ وبلىسى بويىنشا تجد باستىقتارىنىڭ پاراقورلىعى اشكەرەلەندى، دەپ حابارلايدى Ulysmedia.kz.

انتيكور مالىمەتىنشە، ولار ورتكە قارسى قاۋىپسىزدىك سالاسىنداعى قامقورلىعى ءۇشىن كاسىپكەرلەردەن جۇيەلى نەگىزدە پارا الىپ، تەكسەرىلەتىن ۇيىمداردى كەلىسىمشارتتار جاساۋ ارقىلى ولاردىڭ قىزمەتتەرىن ساتىپ الۋعا جانە ۋاقتىلى اقى تولەۋگە ماجبۇرلەگەن دەپ كۇدىكتەنەدى.

پارا سوماسى 100 مىڭنان 4 ملن تەڭگەگە دەيىنگى ارالىقتى قۇرايدى.

بۇدان باسقا، تجم ورتكە قارسى قاۋىپسىزدىك كوميتەتىنىڭ توراعاسى نۇربولات دەربىسوۆ زاڭسىز اقشالاي سىياقى ءۇشىن ۇلىتاۋ وبلىسى بويىنشا تجد باسشىلارىنىڭ بىرىنە قامقورشىلىق جاساعان.

“كۇدىكتىلەر ۇستالىپ، ۋۇي-نا قامالدى. سوتقا دەيىنگى تەرگەۋ جالعاسۋدا. اتالعان لاۋازىمدى ادامداردىڭ باسقا دا جەمقورلىق قۇقىق بۇزۋشىلىقتارعا قاتىستىعى تەكسەرىلۋدە”، – دەلىنگەن حابارلامادا.

ايتا كەتسەك، بۇعان دەيىن جەتىسۋ وبلىستىق تجد باستىعى جەمقورلىق كۇدىگىمەن ۇستالعان.

Abai.kz