"ۇشاقسىز اپپاراتتار قىرعىزستاننىڭ يمپورت، ەكسپورت، رەەكسپورت جانە ترانزيت تاۋارلارى بويىنشا ۇلتتىق باقىلاۋعا الىنعان تاۋارلاردىڭ تىزىمىنە كىرەدى جانە ولاردى تاسۋعا رۇقسات قاعازى تالاپ ەتىلەدى. بىراق "ينۆەست يمپۋلس" كاسىپورنى 2022 جىلى مۇنداي تيپتەگى تاۋار تاسۋعا رۇقسات سۇراپ ءوتىنىش بەرگەن ەمەس. مەكەمە درونداردى اۋىل شارۋاشىلىعىنا كەڭىنەن پايدالانىپ جاتقانىن ەسەپكە الىپ، تاۋاردىڭ ەكسپورتتىق باقىلاۋعا ەنگەنىن بىلمەۋى مۇمكىن. بۇل ەكسپورتتىق باقىلاۋ ەرەجەلەرى بۇزىلعان جالعىز جاعداي ەكەنىن اتاپ وتكىمىز كەلەدى، كاسىپورىن تولىعىمەن جاۋاپكەرشىلىككە تارتىلعان", - دەپ جازىلعان مالىمەتتە.

مينيسترلىك سونىمەن بىرگە اقش، ەۋرووداق جانە بريتانيا وكىلدەرى قىرعىزستانعا كەلىپ كەتكەن سوڭ، مۇنداي تاۋارلارعا ەكسپورتتىق باقىلاۋ كۇشەيتىلگەنىن جەتكىزدى.

ەكونوميكا جانە كوممەرتسيا مينيسترلىگى قىرعىزستاننىڭ "ەكسپورتتىق باقىلاۋ تۋرالى" زاڭىنا بيىل 15 اقپاندا وزگەرىستەر ەنگىزىلگەنىن، ونى جۇزەگە اسىرۋ ءۇشىن نورماتيۆتىك اكتىلەر ىستەلىپ جاتقانىن جەتكىزدى.

The Washington Post باسىلماسى 18 شىلدەدە اقش پرەزيدەنتىنىڭ اكىمشىلىگى قىرعىزستانعا جانە ەكونوميكالىق شارا قولدانۋعا قامدانىپ جاتقانىن مالىمدەدى. وندا مۇنداي قادام سانكتسياعا ەنگەن تاۋارلاردىڭ قىرعىزستان ارقىلى رەسەيگە تاسىمالداۋىنا بوگەت قويۋ ءۇشىن جاسالىنىپ جاتقانىن، امەريكالىق جانە ەۋروپالىق ديپلوماتتاردىڭ قىرعىزستانعا جاساعان ساپارى ناتيجە بەرمەگەندىكتەن، ۆاشينگتون وسى اپتادا ەكونوميكالىق سانكتسيا سالاتىنىن ەسكەرتكەن.

باسىلىم قىرعىزستاننان رەسەيگە تاسىلىپ بارا جاتقان قىتايلىق 14 DJI Agras T30 درونىنىڭ قازاقستان شەكاراسىندا تاركىلەنگەنىن اتاپ وتكەن. قازاقستان تاراپى جۇككە تيەسىلى قۇجاتتاردىڭ جوق ەكەنىن مالىمدەگەن.

Abai.kz