جوعارى وقۋ ورىندارىنا وقىتۋشىلاردىڭ جالاقىسىن 20 پايىزعا كوتەرۋ بويىنشا ۇسىنىم بەرىلدى. بۇل تۋرالى عىلىم جانە جوعارى ءبىلىم مينيسترلىگىنەن ءمالىم ەتتى.

«عىلىم جانە جوعارى ءبىلىم مينيسترلىگىنىڭ 2023 جىلدىڭ 13 ماۋسىمىنداعى «جوعارى جانە (نەمەسە) جوعارى وقۋ ورنىنان كەيىنگى ۇيىمداردا پروفەسسور-وقىتۋشى قۇرامنىڭ ۇسىنىلاتىن ەڭ تومەنگى جالاقىسىن انىقتاۋ تۋرالى» №272 بۇيرىعىنا سايكەس، جوعارى وقۋ ورىندارىنا پروفەسسور-وقىتۋشى قۇرامنىڭ جالاقىسىن 20 پايىزعا ارتتىرۋ ۇسىنىلدى»، - دەپ اتاپ ءوتتى ۆەدومستۆودان اگەنتتىكتىڭ رەسمي ساۋالىنا وراي.

وسىعان وراي جوو-لاردىڭ وقىتۋشىلارى – 240 مىڭ، اعا وقىتۋشىلارى – 276 مىڭ، قاۋىمداستىرىلعان پروفەسسورلار – 312 مىڭ، پروفەسسورلار – 420 مىڭ، جوعارى جانە جوعارى وقۋ ورنىنان كەيىنگى ءبىلىم بەرۋ باعدارلاماسى پروفەسسورلارى 480 مىڭ تەڭگە الادى.

ۆەدومستۆونىڭ اتاپ وتۋىنشە، 2023 جىلدىڭ 1 قىركۇيەگىنەن باكالاۆرياتتاردىڭ شاكىرتاقىسى –20, ماگيسترانتتار مەن دوكتورانتتاردىڭ شاكىرتاقىسى 15 پايىزعا كوتەرىلەدى. ياعني، باكالاۆريات ستۋدەنتتەرىنىڭ شاكىرتاقىسى 36 660 تەڭگەدەن 41 898 تەڭگەگە، ماگيسترانتتار شاكىرتاقىسى 86 987 تەڭگەدەن 91 024 تەڭگەگە، دوكتورانتتار شاكىرتاقىسى 195 مىڭنان 215 500 تەڭگەگە ارتادى. قاجەتتى قاراجات مينيسترلىك بيۋدجەتىندە قاراستىرىلعان.

فوتو: اشىق دەرەككوزدەن

Abai.kz