قوناەۆ قالاسىنداعى «سترويتەل» ساياجايىنىڭ تۇرعىندارى جولدى جاۋىپ تاستادى. وعان ەلەكتر قۋاتىنىڭ جوقتىعى سەبەپ بولدى. 

قالا تۇرعىندارىنىڭ جولدى جاۋىپ تاستاعان ۆيدەو كەشكى ۋاقىتتا الەۋمەتتىك جەلىدە پايدا بولدى. ءوڭىر اكىمدىگى تۇرعىندارمەن كەزدەسۋگە قوناەۆ اكىمىنىڭ ورىنباسارى مارلان جولداحمەت بارعانىن مالىمدەدى.

«كووپەراتيۆ باسشىلىعى سەنىمسىز تۇرعىندارعا سىلتەمە جاساي وتىرىپ، قىزمەت كورسەتۋشىگە – «الماتىەنەرگوسبىت» جشس-نا 32 ملن تەڭگەدەن استام قارىز بولدى. بۇل سوما اي سايىن ءوسىپ جاتىر. جاسالعان تولەمدەر كەستەسى ۋاقىتىلى جانە تولىق ەمەس ورىندالعاندىقتان، وسى جىلدىڭ 24 شىلدەسىندە ساياجاي كووپەراتيۆى ەلەكتر قۋاتىنان اجىراتىلدى. قارىز سالدارىنان ەلەكتر ەنەرگياسىن اجىراتقاننان كەيىن قالا اكىمى ن.قۇماتاەۆتىڭ شەشىمىمەن تۇرعىندارمەن جانە ساياجاي كووپەراتيۆىنىڭ باسشىلىعىمەن كەزدەسۋ ءۇشىن قالا اكىمىنىڭ ورىنباسارى م.جولداحمەت جىبەرىلدى. ول سول جەردە جاعدايدى ەسكەرە وتىرىپ، تولەم كەستەسى جاسالعانىن، وعان سايكەس تولەم جاسالۋى كەرەك ەكەنىن ءتۇسىندىردى. سونىمەن قاتار كووپەراتيۆ قىزمەتكەرلەرى مەن باقىلاۋشىلارعا سەنىمسىز تۇتىنۋشىلارمەن جۇمىس ىستەۋگە كومەكتەسەتىن تۇرعىندار قاتارىنان باستاماشىل توپ قۇرۋ ۇسىنىلدى. قاجەت بولعان جاعدايدا ۋچاسكەلىك ينسپەكتور تارتىلاتىن بولادى»، - دەپ حابارلادى الماتى وبلىسى اكىمدىگىنىڭ ءباسپاسوز قىزمەتىنەن.

تۇرعىندار قولدانىستاعى زاڭناماعا سايكەس كووپەراتيۆتەردىڭ قىزمەتىنە ارالاسۋعا قۇقىعى جوق بولعاندىقتان، قالالىق اكىمشىلىكتەن كومەك سۇراپ جاتىر. الايدا جەرگىلىكتى حالىقتى ەلەكتر ەنەرگياسىمەن قامتاماسىز ەتۋ ماسەلەسىن شەشۋ ءۇشىن قوناەۆ قالالىق تۇرعىن ءۇي-كوممۋنالدىق شارۋاشىلىق، جولاۋشىلار كولىگى، اۆتوموبيل جولدارى جانە تۇرعىن ءۇي ينسپەكتسياسى ءبولىمى ساياجاي كووپەراتيۆىندە جاڭا ەلەكتر جەلىسىنىڭ قۇرىلىسى اياقتالۋعا جاقىن: جۇكتەمەنى ءبولۋ ءۇشىن 11 ترانسفورماتورلىق قوسالقى ستانتسيا ورناتىلدى.

«الداعى ۋاقىتتا نىساندار «الاتاۋ جارىق كومپانياسى» بالانسىنا بەرىلەتىن بولادى. تۇرعىنداردىڭ ارقايسىسىمەن دەربەس شارت جاسالادى، ال تولەم بىرىڭعاي بەكىتىلگەن تاريف بويىنشا جۇرگىزىلەتىن بولادى. قازىر ەلەكتر ەنەرگياسىن بەرۋ ۋاقىتشا قالپىنا كەلتىرىلدى. كووپەراتيۆ باسشىلىعى ەنەرگيا بەرۋشى كومپانيا الدىنداعى بەرەشەكتى وتەۋ جونىندە شارا قابىلداپ جاتىر»، - دەپ اتاپ ءوتتى اكىمدىك وكىلدەرى.

Abai.kz