بۇۇ باس اسسامبلەياسى قاسيەتتى كىتاپتاردى قورلاۋ جونىندەگى كەز-كەلگەن اكتىلەردى ايىپتايتىن جانە مۇنداي ارەكەتتەردى حالىقارالىق قۇقىق نورمالارىن بۇزۋ دەپ تانيتىن قاۋلى قابىلدادى، دەپ حابارلايدى Ulysmedia.kz.

ماروككو باستاماشى بولعان قۇجاتتى بۇۇ باس اسسامبلەياسى ءبىراۋىزدان قابىلدادى. قاۋلىدا اتاپ ايتقاندا، «ادامدارعا قاتىستى بارلىق زورلىق-زومبىلىق اكتىلەرى ءدىني كوزقاراستارى نەمەسە سەنىمدەرى نەگىزىندە، سونداي-اق ولاردىڭ ءدىني رامىزدەرىنە، قاسيەتتى كىتاپتارىنا، ۇيلەرىنە، كاسىپورىندارىنا، مۇلكىنە، مەكتەپتەرىنە، مادەني ورتالىقتارىنا نەمەسە عيبادات ەتۋ ورىندارىنا قارسى باعىتتالعان كەز كەلگەن ارەكەتتەرى، سونداي-اق ءدىني ورىندارعا جاسالعان بارلىق شابۋىل» قاتاڭ تۇردە ايىپتالادى.

قۇجات اۆتورلارى مۇسىلمانداردىڭ قاسيەتتى كىتابى – قۇرانعا قارسى ارانداتۋشىلىقتى ايىپتاۋعا شاقىرىپ، ولاردى «ءدىني وشپەندىلىك اكتىلەرى» دەپ سيپاتتادى.

ەسكە سالايىق، شۆەتسيا پوليتسياسى مۇسىلمانداردىڭ قۇربان ايت مەرەكەسىنىڭ ءبىرىنشى كۇنى، ماۋسىمنىڭ 28-ءى كۇنى ستوكگولمدەگى مەشىتتىڭ سىرتىندا قۇراندى ورتەۋگە رۇقسات بەرگەن.

اقپان ايىندا پوليتسيا تۇركيا مەن يراك ەلشىلىكتەرىندە قۇران ورتەيتىن ەكى ءىس-شارا وتكىزۋ تۋرالى وتىنىشتەردى لاڭكەستىك ارەكەتتەر قاۋپىنە بايلانىستى قابىلدامادى. كەيىن شۆەتسيا سوتى بۇل شەشىمدى زاڭسىز دەپ اتادى.

قاڭتار ايىنىڭ سوڭىندا دا دانيانىڭ يسلامعا قارسى «سترام كۋرس» («قاتاڭ كۋرس») پارتياسىنىڭ جەتەكشىسى راسمۋس پالۋدان ستوكگولمدەگى تۇركيا ەلشىلىگىنىڭ الدىندا قۇراندى ورتەپ جىبەرگەن بولاتىن. وسىدان كەيىن تۇركيا پرەزيدەنتى رەجەپ تايىپ ەردوعان بىلتىر مامىردا ناتو-عا مۇشەلىككە ءوتىنىش بەرگەن شۆەتسيادان بۇل ماسەلەدە انكارادان قولداۋ كۇتپەۋدى سۇرادى.

وتكەن اپتادا قۇراننىڭ ورتەنۋىنە نارازى بولعان مۇسىلماندار شۆەتسيانىڭ باعدادتاعى ەلشىلىگىنە شابۋىل جاساعان بولاتىن.

شۆەتسيانىڭ يران مەن كاتارداعى ەلشىلەرى مەملەكەتتەردىڭ سىرتقى ىستەر مينيسترلىگىنە شاقىرىلدى. ديپلوماتتارعا ەكى ەلدىڭ قۇراننىڭ ورتەلۋىن نارازى ەكەنى جانە قاسيەتتى كىتاپتىڭ قورلاۋشىنىڭ ءىسىن ايىپتايتىنى جەتكىزىلدى.

كوپ ۇزاماي كوپەنگاگەندە يراكتىڭ دانياداعى ەلشىلىگى عيماراتىنىڭ الدىندا دا قۇران كىتابىن ورتەۋ اكتسياسى وتكەنى بەلگىلى بولدى.

Abai.kz