بيىل جىل باسىنان بەرى رەسەيدە تۇراتىن 87 مىڭ تاجىك حالقىنىڭ وكىلى وسى ەلدىڭ ازاماتتىعىن العان. بۇل بىلتىرعى قاڭتار مەن شىلدە ايلارىمەن سالىستىرعاندا 13 مىڭ ادامعا كوپ، دەپ جازادى Halyq-uni. 

Ozodi راديوسىنىڭ حابارلاۋىنشا, كۇن سايىن شامامەن 500 تاجىكستاندىق رەسەي ازاماتتىعىن الادى. سوڭعى ءۇش جىلدا رف ازاماتتىعىن العىسى كەلگەن تاجىكستاندىقتار كوبەيگەن. مىسالى، 2020 جىلى 63 مىڭ تاجىك حالقىنىڭ وكىلى رەسەي ازاماتتاعىن السا، 2021 جىلى 103 مىڭنان استام اجام رەسەيلىك اتانعان. ال بىلتىر 173 مىڭنان استام تاجىكستاندىق رەسەيدىڭ تولقۇجاتىنا يە بولعان.

رەسەي تولقۇجاتىن الۋ جاعىنان ۋكراينانىڭ ازاماتتارى ەكىنشى ورىندا تۇر. جارتى جىلدا 39 مىڭ ۋكراين حالقىنىڭ وكىلى تولقۇجاتىن اۋىستىرعان.

دەگەنمەن رەسەي ءىىم مالىمەتىنە قاراعاندا، شەتەلدىكتەر اراسىندا رەسەي ازاماتتىعىن الۋشىلار ازايعان. بيىل سوڭعى جارتى جىلدا 205 مىڭ شەتەلدىك رەسەي ازاماتتىعىن العان. بىلتىر بۇل كورسەتكىش 500 مىڭنان اسقان.