مۇحامەديۇلىنىڭ قورعاۋشىسى سوت ۇكىمىنە كەلىسپەيدى
ارىستانبەك مۇحامەديۇلىنىڭ قورعاۋشىسى سوت ۇكىمىنە شاعىمداندى. ءىس اپەللياتسيالىق ساتىعا جولدانادى. بۇل تۋرالى استانا قالاسىنىڭ سوتى مالىمدەگەن.
«بۇگىنگى تاڭدا ارىستانبەك مۇحامەديۇلى استانا قالاسىنىڭ قىلمىستىق ىستەر جونىندەگى اۋدانارالىق سوتىنىڭ 2023 جىلعى 20 ماۋسىمداعى ۇكىمىنە اپەللياتسيالىق شاعىم كەلتىرمەدى. الايدا، ونىڭ قورعاۋشىسى تاراپىنان ۇكىمگە اپەللياتسيالىق شاعىم ءتۇستى. ونىڭ نەگىزىندە قىلمىستىق ءىس زاڭدا كورسەتىلگەن مەرزىمگە سايكەس اپەللياتسيالىق ساتىعا جولدانادى»، - دەلىنگەن جاۋاپتا.
ەسكە سالايىق، ۇلتتىق مۋزەيدىڭ بۇرىنعى ديرەكتورى ارىستانبەك مۇحامەديۇلى 2022 جىلى 28 مامىردا قاماۋعا الىنعان ەدى.
بيىلعى 20 ماۋسىمدا سوت ۇكىمىمەن ا.مۇحامەديۇلى 8 جىلعا باس بوستاندىعىنان ايىرىلدى.
سونىمەن قاتار ونىڭ سىبلايلاستارى دا سوتتالدى.
فوتو: اشىق دەرەككوزدەن
Abai.kz
