مەملەكەت باسشىسى قارجىلىق مونيتورينگ اگەنتتىگىنىڭ توراعاسى جانات ەليمانوۆتى قابىلدادى.

جانات ەليمانوۆ ءوزارا باعالاۋدىڭ فاتف (اقشانى جىلىستاتۋعا قارسى كۇرەستىڭ قارجىلىق شارالارىن ازىرلەۋ توپتارى) ستاندارتتارىنا ساي ءساتتى وتكەنى جونىندە مالىمدەدى.

قازاقستان اقشانى جىلىستاتۋعا قارسى كۇرەس جونىندەگى ازيا-تىنىق مۇحيتى توبىندا باقىلاۋشى مارتەبەسىنە يە بولدى. ۇكىمەت كولەڭكەلى ەكونوميكاعا قارسى ءىس-قيمىل جونىندەگى 2023-2025 جىلدارعا ارنالعان كەشەندى جوسپاردى بەكىتكەنىن ايتتى.

اگەنتتىك قىزمەتىنىڭ ناتيجەسىندە جىل باسىنان بەرى 94 ميلليارد تەڭگە شىعىن وتەلىپ، اكتيۆتەر قايتارىلدى، 5 قىلمىستىق توپ جويىلدى (تاعى 3 ءىس جۇرگىزىلىپ جاتىر). ازاماتتاردىڭ دەنساۋلىعىن قورعاۋ ماقساتىندا سۋرروگات الكوگول وندىرەتىن 12 تسەحتىڭ قىزمەتى توقتاتىلىپ، ەلىمىزگە قۇنى 5,3 ميلليارد تەڭگە بولاتىن ەلەكتروندى تەمەكى اكەلۋگە جول بەرىلمەگەن.

زاڭسىز ويىن بيزنەسىنە قارسى ءىس-ارەكەتتەر ناتيجەسىندە 11 جاسىرىن كازينو جانە 2 بۋكمەكەرلىك كەڭسە تاراتىلعان، ازاماتتاردى الاياقتىق ىسكە تارتۋعا جول بەرمەۋ ءۇشىن 22 قارجى پيراميداسىنىڭ قىزمەتى توقتاتىلىپ، سالىمشىلارعا كەلتىرىلگەن 1,9 ميلليارد تەڭگە شىعىن وتەلگەن. قارجى پيراميدالارىن جارنامالايتىن 5,3 مىڭنان استام سايت پەن اككاۋنت بۇعاتتالعان. 14 وبلىستا الەۋمەتتىك ماڭىزى بار ازىق-تۇلىك ونىمدەرىنىڭ 14 ءتۇرى بويىنشا باعا تومەندەتىلگەن.

قاسىم-جومارت توقاەۆ بيزنەستى قورعاۋعا، سونداي-اق شەتەلگە زاڭسىز قاراجات شىعارۋدىڭ جانە ۇلتتىق جوبالارعا بولىنەتىن بيۋدجەت قارجىسىن جىمقىرۋدىڭ جولىن كەسۋگە باعىتتالعان بىرقاتار تاپسىرما بەردى.

فوتو: اشىق دەرەككوزدەن

Abai.kz