"تۇڭعىش پرەزيدەنت كۇنى" قازاقستانداعى مەرەكەلەردىڭ جاڭارتىلعان تىزىمىنەن الىنعان جوق. 

«قازاقستان رەسپۋبليكاسىنداعى مەرەكە كۇندەرىنىڭ تىزبەسىن بەكىتۋ تۋرالى» قازاقستان رەسپۋبليكاسى ۇكىمەتىنىڭ 2017 جىلعى 31 قازانداعى No 689 قاۋلىسىنا مىناداي وزگەرىس ەنگىزىلسىن: اتالعان قاۋلىمەن وسى قاۋلىعا قوسىمشاعا سايكەس جاڭا رەداكتسيادا جازىلسىن»، - دەلىنگەن ۇكىمەت قاۋلىسىندا.

قوسىمشاعا سايكەس مەرەكە كۇندەرىنىڭ مىناداي تىزبەسى بەكىتىلدى:

1. كەڭەس اسكەرلەرىنىڭ شەكتەۋلى كونتينگەنتىنىڭ اۋعانستان دەموكراتيالىق رەسپۋبليكاسىنان شىعارىلعان كۇنى – 15 اقپان;

2. العىس ايتۋ كۇنى – 1 ناۋرىز;

3. انالار كۇنى – مامىردىڭ ەكىنشى جەكسەنبىسى;

4. ساياسي قۋعىن-سۇرگىن جانە اشارشىلىق قۇرباندارىن ەسكە الۋ كۇنى – 31 مامىر;

5. قازاقستان رەسپۋبليكاسىنىڭ مەملەكەتتىك رامىزدەرى كۇنى – 4 ماۋسىم;

6. اكەلەر كۇنى – ماۋسىمنىڭ ءۇشىنشى جەكسەنبىسى;

7. ۇلتتىق دومبىرا كۇنى – شىلدەنىڭ ءبىرىنشى جەكسەنبىسى;

8. اباي كۇنى – 10 تامىز;

9. سپورت كۇنى – تامىز ايىنىڭ ءۇشىنشى جەكسەنبىسى;

10. سەمەي يادرولىق سىناق پوليگونىنىڭ جابىلاتىن كۇنى – 29 تامىز;

11. ءبىلىم كۇنى – 1 قىركۇيەك;

12. وتباسى كۇنى – قىركۇيەكتىڭ ەكىنشى جەكسەنبىسى;

13. قازاقستان حالقىنىڭ تىلدەرى كۇنى – 5 قىركۇيەك;

14. ەڭبەك كۇنى – قىركۇيەكتىڭ سوڭعى جەكسەنبىسى;

15. قارتتار كۇنى – 1 قازان;

16. نان كۇنى – 16 قازان;

17. ەنەرگيانى ۇنەمدەۋ كۇنى – 11 قاراشا;

18. ۇلتتىق ۆاليۋتا "تەڭگە" كۇنى – 15 قاراشا;

19. قازاقستان رەسپۋبليكاسىنىڭ تۇڭعىش پرەزيدەنتى كۇنى – 1 جەلتوقسان.

ەسكە سالايىق، بۇعان دەيىن تۇڭعىش پرەزيدەنت كۇنى مەملەكەتتىك مەرەكەلەر تىزىمىندە بولىپ، 2022 جىلى ودان الىنىپ تاستالعان بولاتىن. مەملەكەتتىك مەرەكە مارتەبەسىندە تۇڭعىش پرەزيدەنت كۇنى جىل سايىن 2012 جىلدان 2021 جىلعا دەيىن 1 جەلتوقساندا نازارباەۆتىڭ «ەل ءۇشىن سىڭىرگەن ەڭبەگىن مويىنداۋ» رەتىندە تويلانىپ كەلدى.

Abai.kz