تۇركياداعى اپات: تاعى ءبىر قازاقستاندىق كوز جۇمدى
تۇركيادا جول اپاتىنان زارداپ شەككەن ەكىنشى قازاقستاندىق قايتىس بولدى.
«تۇرىك دارىگەرلەرىنىڭ اقپاراتىنا سايكەس، كەشە تۇندە تاعى ءبىر قازاقستان ازاماتى الانيا مەملەكەتتىك ەمحاناسىندا قايتىس بولدى. قازىرگى ۋاقىتتا قايتىس بولعان ازاماتىمىزدىڭ تۋىستارى ەمحانادا. ولارعا قاجەتتى كومەك كورسەتىلۋدە. قۇجاتتاردى رەسىمدەگەننەن كەيىن ونىڭ دەنەسى قازاقستانعا جىبەرىلەدى»، - دەپ حابارلادى قر سىرتقى ىستەر مينيسترلىگى
بۇعان دەيىن قايتىس بولعان جەرلەسىمىزدىڭ دەنەسى قازاقستانعا جەتكىزىلگەن ەدى.
ەسكە سالا كەتەلىك، بۇدان بۇرىن الانيادا قازاقستاندىق تۋريستەر مىنگەن اۆتوبۋس جۇك كولىگىنە سوعىلىپ، 2 ادام قايتىس بولعانى حابارلانعان ەدى.
Abai.kz
