اشىق نورماتيۆتىك-قۇقىقتىق اكتىلەر پورتالىندا «تۇركىستان قالاسىنىڭ ەرەكشە مارتەبەسى تۋرالى» قازاقستان رەسپۋبليكاسىنىڭ زاڭىنىڭ جوباسى جاريالاندى. 

«تۇركىتىلدەس مەملەكەتتەردىڭ ىنتىماقتاستىق كەڭەسىنىڭ 2021 جىلعى ساۋىردە وتكىزگەن بەيرەسمي ءسامميتىنىڭ قورىتىندىسى بويىنشا تۇركىستان قالاسىن تۇركى الەمىنىڭ رۋحاني استاناسى دەپ تانۋ تۋرالى شەشىم قابىلداندى. وسىعان بايلانىستى، بۇگىنگى كۇنى تۇركىستان قالاسىنىڭ رۋحاني جانە تاريحي استانا رەتىندە دامۋىنا جاعداي جاساۋ ءۇشىن قالانىڭ تاريحي كەلبەتى مەن تاريحي-مادەني مۇرا وبەكتىلەرىن ساقتاۋ، ءدىني جانە مادەني داستۇرلەردى ساقتاۋ، مادەني جانە تۋريستىك وبەكتىلەردىڭ قولجەتىمدىلىگى، كوممۋنالدىق، كولىكتىك، تەحنولوگيالىق ينفراقۇرىلىم مەن قىزمەت كورسەتۋ جۇيەلەرىن دامىتۋ جونىندەگى ماسەلەلەردى شەشۋ قاجەت. جوعارىدا اتالعان ماسەلەلەردى شەشۋ جانە تۇركىستان قالاسىن دامىتۋ ءۇشىن ءتيىمدى ينستيتۋتسيونالدىق ورتا قۇرۋ ءۇشىن زاڭ جوباسىن قابىلداۋ كەرەك»، - دەلىنگەن ۇلتتىق ەكونوميكا مينيسترلىگى ازىرلەگەن زاڭ جوباسىنىڭ تۇسىندىرمە جازباسىندا.

قۇجاتتا بۇل ورتالىق جانە جەرگىلىكتى وكىلدى جانە اتقارۋشى ورگاندار اراسىنداعى فۋنكتسيالاردى ناقتى ءبولۋ، ساۋلەت، قالا قۇرىلىسى جانە قۇرىلىس جوسپارلاۋدى رەتكە كەلتىرۋ، قالانى دامىتۋ ءۇشىن مەملەكەتتىك قولداۋ كورسەتۋدىڭ زاڭنامالىق بازاسىن نىعايتۋ ەسەبىنەن تۇركىستان قالاسىن دامىتۋدىڭ بىرىڭعاي ساياساتىن ازىرلەۋگە جانە جۇرگىزۋگە مۇمكىندىك بەرەتىندىگى ايتىلعان.

زاڭ جوباسىنىڭ ماقساتتارى مىنالار:

تۇركىستان قالاسىنىڭ قازاقستان رەسپۋبليكاسىنىڭ رۋحاني جانە تاريحي استاناسى رەتىندە جۇمىس ىستەۋى سالاسىنداعى قوعامدىق قاتىناستاردى رەتتەۋ;

تۇركىستان قالاسىنىڭ قالىپتاسۋى مەن جۇمىس ىستەۋى ءۇشىن قۇقىقتىق جانە ۇيىمداستىرۋشىلىق جاعدايلار مەن تەتىكتەر جاساۋ;

مادەني جانە ءدىني مۇرانى قولداۋ، قاسيەتتى ورىندار مەن كورىكتى جەرلەردى ساقتاۋ جانە قورعاۋ;

تۇركىستان قالاسىن دامىتۋ بولىگىندە ورتالىق جانە جەرگىلىكتى اتقارۋشى ورگاندار اراسىنداعى ۇيلەستىرۋ مەن ءوزارا ءىس-قيمىلدى جاقسارتۋ.

زاڭ شەڭبەرىندە مەملەكەتتىك بيلىك ورگاندارىنىڭ وكىلەتتىكتەرى رەگلامەنتتەلەتىن بولادى:

تۇركىستان قالاسىن مەملەكەتتىڭ رۋحاني جانە تاريحي استاناسى رەتىندە دامىتۋ جونىندەگى ساياساتتىڭ نەگىزگى باعىتتارىن ايقىنداۋ;

قالانىڭ تاريحي كەلبەتىن جانە تاريحي-مادەني مۇرا وبەكتىلەرىن ساقتاۋ;

تۇركىستان قالاسىن جانە بۇكىل مەملەكەت نەمەسە جەكەلەگەن اكىمشىلىك-اۋماقتىق بىرلىكتەر اۋقىمىندا ىسكە اسىرىلاتىن جوبالاردى دامىتۋ ءۇشىن مەملەكەتتىك قولداۋ كورسەتۋ.

زاڭ جوباسى 23 تامىزعا دەيىن قوعامدىق تالقىلاۋعا شىعارىلعان.

فوتو: اشىق دەرەككوزدەن

Abai.kz