بيزنەسمەن عالىمجان ەسەنوۆ Kcell ۇيالى بايلانىس وپەراتورىنىڭ اكتسيونەرى بولدى، دەپ حابارلايدى Ulysmedia.kz.

"بيىلعى 28 شىلدە كۇنى عالىمجان ەسەنوۆ ەميتەنتتىڭ (Kcell – رەد.) 10% جانە ودان دا كوپ قاتىسۋ ۇلەسىن يەلەنەتىن اكتسيونەرى اتاندى. ال Pioneer Technologies S.A.R.L. اكتسيونەرلەر قاتارىنان شىعىپ قالدى", - دەلىنگەن قۇجاتتا.

1 شىلدەدەگى جاعداي بويىنشا Pioneer Technologies S.A.R.L. Kcell اكتسيالارىنىڭ 14,87%-ىنا، "قازاقتەلەكوم" – 51%-ىنا، "First Heartland Jusan Bank" اق –  9,08%-ىنا جانە "بجزق" اق – 7,06%-ىنا يەلىك ەتتى.

ەستەرىڭىزگە سالا كەتەيىك، بۇعان دەيىن ەسەنوۆ Jusan Bank-تەگى ءوز ۇلەسىن 100%-عا دەيىن ۇلعايتۋى مۇمكىن ەكەنى حابارلانعان بولاتىن. ءدال قازىر ول First Heartland Jusan Bank-ءتىڭ 20,11%-ىنا يەلىك ەتەدى.

بيزنەسمەن اكادەميك شاحماردان ەسەنوۆ اتىنداعى عىلىمي-ءبىلىم بەرۋ قورىنىڭ نەگىزىن قالادى. ەسەنوۆ 2018 جىلدان 2021 جىلعا دەيىن "قازفوسفات" جشس بايقاۋ كەڭەسىنىڭ جالعىز يەسى – توراعاسى جانە 2013 جىلدان 2020 جىلعا دەيىن "اتفبانك" اق ديرەكتورلار كەڭەسىنىڭ توراعاسى بولعان. ەڭبەك جولىن 2002 جىلى "Golden Grain" اوك-دە ججم تەحنيكاسىن پايدالانۋ جانە جابدىقتاۋ دەپارتامەنتىنىڭ مەنەدجەرى قىزمەتىنەن باستادى. بەس جىل (2015 جىلدان 2020 جىلعا دەيىن) قر شاحمات فەدەراتسياسىنىڭ پرەزيدەنتى بولدى. Forbes نۇسقاسى بويىنشا قازاقستاننىڭ 2023 جىلعى ەڭ باي بيزنەسمەندەرىنىڭ تىزىمىندە 18-ورىندا.

Abai.kz