بيىل قىركۇيەكتە بالاباقشا پەداگوگتەرىنىڭ جالاقىسى 30 پايىزعا ارتادى. بۇل تۋرالى وقۋ-اعارتۋ مينيسترلىگى مەكتەپكە دەيىنگى ءبىلىم دەپارتامەنتىنىڭ ديرەكتورى ناتاليا جۇمادىلداەۆا ايتتى. 

«ءبىلىم ساپاسى پەداوگتەردىڭ كاسىبي قۇزىرەتتىلىك دەڭگەيىنە تىكەلەي بايلانىستى. رەسپۋبليكانىڭ مەكتەپكە دەيىنگى ۇيىمدارىندا 98 مىڭ پەداگوگ جۇمىس ىستەيدى. ولاردىڭ 65,3 مىڭىنىڭ جوعارى، ال 31 مىڭىنىڭ تەحنيكالىق جانە كاسىپتىك ءبىلىمى بار. اۋىلدىق جەردە – 41 596, قالالىق جەردە – 55 811, مەملەكەتتىك مەكتەپكە دەيىنگى ۇيىمدا 58 203, جەكەمەنشىك مەكتەپكە دەيىنگى ۇيىمدا 39 714 پەداگوگ ەڭبەك ەتىپ ءجۇر. مەملەكەت باسشىسى تاربيەشىلەردىڭ مارتەبەسىن كوتەرۋ، كاسىبي الەۋەتىن ارتتىرۋ جانە جالاقىسىن كوتەرۋ مىندەتىن قويدى. بيىل مەكتەپكە دەيىنگى ۇيىمداردىڭ 20390 پەداگوگىنىڭ بىلىكتىلىگىن ارتتىرۋ جوسپارلانعان»، - دەدى ول ورتالىق كوممۋنكاتسيالار قىزمەتىندەگى ءباسپاسوز ءماسليحاتىندا.

ونىڭ اتاپ وتۋىنشە، سوڭعى ءتورت جىلدا تاربيەشىلەردىڭ جالاقىسى كەزەڭ-كەزەڭىمەن 25 پايىزعا ءوستى. 2023 جىلدىڭ قىركۇيەگىنەن باستاپ جالاقى تاعى 30 پايىزعا وسەتىن بولادى. سونىمەن قاتار مەكتەپكە دەيىنگى تاربيە مەن وقىتۋدىڭ ۇزدىك تاجىريبەلەرىن تاراتۋ ءۇشىن 79 مەكتەپكە دەيىنگى ۇيىمداردا تۇراقتى نەگىزدە «قۇزىرەتتىلىك ورتالىقتارى» جۇمىس ىستەيدى.

Abai.kz