اتالعان فاكتىنى قما ۇلىتاۋ وبلىسى بويىنشا دەپارتامەنتى وڭىرلىك پروكۋراتۋرانىڭ ۇيلەستىرۋىمەن جانە اگەنتتىكتىڭ كولەڭكەلى ەكونوميكا سالاسىنداعى تالدامالىق بولىمشەلەرىمەن ءوزارا ءىس-قيمىل ناتيجەسىندە  انىقتاعان.

«كۇدىكتىلەر «MetaGo» قارجى پيراميداسىنىڭ قىزمەتى تۋرالى اقپاراتتىق رەسۋرستاردا ("YouTube" بەينەحوستينگ سايتى، "Whatsapp" جانە "Telegram" مەسسەندجەرلەرى، "Facebook" جانە "Instagram" الەۋمەتتىك جەلىلەرى), سونداي-اق وسى قارجى پيراميداسىنىڭ سيمۆوليكاسى بار كيىم مەن پلاكاتتاردى پايدالانا وتىرىپ حالىقپەن كەزدەسۋلەر مەن جينالىستار وتكىزگەن.  وسى ارقىلى 63 ملن تەڭگەدەن استام سومادا زالال كەلتىرىپ، قارجى پيراميداسىنىڭ زاڭسىز قىزمەتىنە 80-نەن استام ازاماتتى تىكەلەي تارتقان»، - دەلىنگەن حابارلامادا.

قازىرگى ۋاقىتتا قىلمىستىق كودەكستىڭ 217-1-بابى (ادامدار توبىنىڭ قارجى پيراميداسىن جارنامالاۋى) بويىنشا تەرگەۋ جۇرگىزىلىپ جاتىر.

سونىمەن قاتار، دەپارتامەنت بۇرىن جۇرگىزىلگەن ارنايى جەدەل-ىزدەستىرۋ ءىس-شارالار ناتيجەسىندە تىركەلگەن جەزقازعان قالاسىنىڭ وسى تۇرعىندارىنا قاتىستى "MetaGo" قارجى پيراميداسىنىڭ قۇرىلىمدىق بولىمشەسىن قۇرۋ جانە باسشىلىققا الۋ فاكتىسى بويىنشا سوتقا دەيىنگى تەرگەۋ جۇرگىزىپ جاتىر.