«مەتا» كومپانياسىنىڭ باسشىسى مارك تسۋكەربەرگ X (بۇعان دەيىن Twitter) الەۋمەتتىك جەلىسىنىڭ يەگەرى يلون ماسكپەن ايقاسۋعا دايىن ەكەنىن مالىمدەدى. «ارمەنپرەسس» مالىمەتىنشە، جەكپە-جەكتى 26 تامىزدا وتكىزۋدى ۇسىنعان.

«مەن بۇگىن دە دايىنمىن. وعان 26 تامىزدا وتكىزۋدى ۇسىندىم، الايدا ول ءالى ناقتىلامادى»، - دەپ جازدى تسۋكەربەرگ Threads الەۋمەتتىك جەلىسىندە. ول ايقاستىڭ ءوزى ۇسىنعان كۇنى وتەتىنىنە كۇماندانادى.

تسۋكەربەرگ ماسكتىڭ ايقاسقا جاتتىعىپ جاتقانى تۋرالى جازباسىن دا اتاپ ءوتتى. ماسك 6 تامىزدا تسۋكەربەرگپەن جەكپە-جەگى X تىكەلەي ەفيرىندە كورسەتىلەتىنىن، ودان تۇسكەن قاراجات ارداگەرلەرگە ارنالعان قايىرىمدىلىققا جۇمسالاتىنىن جازعان.

تسۋكەربەرگتىڭ X الەۋمەتتىك جەلىسىمەن باسەكەلەسەتىن Threads پلاتفورماسىن اشۋى ەكى ميللياردەردىڭ اراسىندا كەلىسپەۋشىلىك تۋدىرعان. سوڭعى ۋاقىتتا ماسك پەن تسۋكەربەرگتىڭ ارالاس جەكپە-جەك بويىنشا ايقاسى كەڭىنەن تالقىلانىپ كەلەدى. ءابسوليۋتتى سايىسكەر چەمپيوناتىنىڭ پرەزيدەنتى دەينا ۋايت ايقاس وتەدى دەپ ەسەپتەيدى جانە ول ەڭ كوپ قارالىم جيناماق.

ەسكە سالايىق، بۇعان دەيىن يلون ماسك مارك تسۋكەربەرگكە قارسى جەكپە-جەككە قىزۋ دايىندىق جۇرگىزىپ جاتقانىن حابارلاعان ەدىك.

قوس ميللياردەردىڭ وكتاگوندا جەكپە-جەك وتكىزۋىنە قاتىستى يدەياسى 20 ماۋسىمدا تۋىنداعان. يتاليا ۇكىمەتى ايقاستى ريم كوليزەيىندە ۇيىمداستىرۋ ءۇشىن مارك تسۋكەربەرگپەن بايلانىسقا شىققان.

Abai.kz