ارمان جۇماگەلديەۆتىڭ قاماۋدا ۇستاۋ مەرزىمى 2023 جىلدىڭ 7 قىركۇيەگىنە دەيىن دەيىن ۇزارتىلدى.

«الماتى مامانداندىرىلعان اۋدانارالىق تەرگەۋ سوتىنىڭ 2023 جىلعى 4 تامىزداعى اقپاراتى بويىنشا، سوت قاۋلىسىمەن تەرگەۋ ورگاندارىنىڭ د.-عا قاتىستى قاماۋدا ۇستاۋ مەرزىمىن 2023 جىلدىڭ 7 قىركۇيەگىنە دەيىن ۇزارتۋعا سانكتسيا بەرۋ تۋرالى ءوتىنىشى قاناعاتتاندىرىلدى»،- دەپ حابارلادى الماتى قالالىق سوتتىڭ ءباسپاسوز قىزمەتى.

ەسكە سالايىق، «ديكي ارمان» لاقاپ اتىمەن تانىمال قىلمىس الەمىنىڭ سەركەسى ارمان جۇماگەلديەۆ بىلتىر 7 قاڭتاردا ۇستالعان بولاتىن.

كەيىن قر باس پروكۋراتۋراسى «ديكي ارماننىڭ» ۇلتتىق قاۋىپسىزدىك قىزمەتىنىڭ تەرگەۋ يزولياتورىندا وتىرعانىن مالىمدەدى. سودان بەرى ونى قاماۋدا ۇستاۋ مەرزىمى توقتاۋسىز ۇزارتىلىپ كەلەدى.

«ديكي ارمانمەن» بىرگە «قاڭتار وقيعاسى كەزىندە نارازىلىق بىلدىرۋشىلەردىڭ باسىن قوسىپ، توپ ۇيىمداستىردى» دەپ ايىپتالعان الماتى قالاسى ءماسليحاتىنىڭ بۇرىنعى دەپۋتاتى قايرات قۇدايبەرگەن پورتالىمىزعا تەرگەۋ كامەراسىنان جولداعان جازباشا جاۋابىندا قاڭتار وقيعاسى جايلى ءوز نۇسقاسىن ايتىپ بەرگەن ەدى.

سونداي-اق،  جۋىردا ادۆوكات ولەگ چەرنوۆ ءوز قورعاۋىنداعى ارمان جۇماگەلديەۆ ازاپتاۋ ىسىندە جابىرلەنۋشى رەتىندە تانىلعانىن مالىمدەدى.

Abai.kz