قازاقستاندىق IT ماماندار سارسەنبى كۇنى تۇستەن كەيىن رەسەيدىڭ "ياندەكس" IT كومپانياسىنىڭ جەرگىلىكتى وكىلدىگىنە تيەسىلى بۇل دومەننىڭ ءىسى ينتەرنەت-رەسۋرستى قازاقستان ايماعىنان تىسقارى اقپاراتتىق-باعدارلامالىق كەشەندەرگە جايعاستىرۋ ءۇشىن توقتاتىلعانىن جازدى. مالىمەتتى قازاقستاننىڭ تسيفرلىق دامۋ مينيسترلىگى راستادى.
ءبىر كۇن بۇرىن رەسەيلىك باسىلىمدار رەسەيدىڭ فەدەرالدىق قاۋىپسىزدىك قىزمەتى 1 قىركۇيەكتەن باستاپ "ياندەكس.تاكسي" بارلىق ەلدەگى اقپارات بازالارىنا "تاۋلىك بويى" كىرۋ قۇقىعىن الاتىنىن جازعان.
Meduza باسىلىمى ياندەكس Go (تاكسي جانە جەتكىزۋ قىزمەتى) قولدانعان مالىمەتتەر ەندى رەسەيدىڭ داتا ورتالىعىندا عانا ساقتالاتىنىن بىلدىرگەن.
قازاقستاننىڭ تسيفرلىق دامۋ مينيسترلىگى "ياندەكستەن" داتا ورتالىعىنىڭ جايعاسقان جەرى "قازاقستاندىقتاردىڭ جەكە مالىمەتتەرىن قورعاۋ ءۇشىن قويىلىپ جاتقان شارالار، قۇقىق قورعاۋ جانە ارنايى ورگاندارمەن ءوزارا ارەكەتتەسۋ جولدارى" تۋرالى مالىمەتتى سۇراعانىن حابارلادى.
Abai.kz
