«ەكىنشى بەينەجازبادا باسقا 1989 جىلى تۋعان ب. ەسىمدى ازامات بەينەلەنگەن. اكەسى جوق، اناسى زەينەتكەر. 8 مامىردا ەر ادام فلوريستت قورلاپ، دۇكەننەن گۇل شوعىن الىپ كەتكەن. تۇران اۋداندىق پوليتسيا ءبولىمىنىڭ 102 ارناسىنا جانجال تۋرالى قوڭىراۋ تۇسكەن. وقيعا ورنىنا ۋچاسكەلىك ينسپەكتورلار بارعان. الايدا دۇكەن يەسى ءمان-جايدى ناقتىلاۋ بارىسىندا ەشكىمگە شاعىمى جوقتىعىن ايتىپ، ارىز جازۋدان باس تارتقان»، - دەپ حابارلايدى ءىىم.

بۇل جايتقا قاتىستى قىلمىستىق كودەكستىڭ 191-بابى 2-بولىگى 1-تارماعىمەن "جابiرلەنۋشiنiڭ ومiرiنە ن/ە دەنساۋلىعىنا قاۋiپتi ەمەس كۇش قولدانىپ توناۋ" سوتقا دەيىنگى تەرگەۋ باستالعان.

«سونداي-اق ءىستىڭ اق-قاراسىن اجىراتۋ كەزىندە قارا فۋتبولكا كيگەن ازامات بيىل 19 مامىردا وتباسىلىق سەبەپتەرگە بايلانىستى ءوز وتىنىشىمەن ىشكى ىستەر ورگاندارىنان بوساتىلعان قاراتاۋ اپب-نىڭ بۇرىنعى قىزمەتكەرى ەكەنى انىقتالدى»، - دەپ حابارلايدى پوليتسيا.

ەسكە سالا كەتسەك، بۇعان دەيىن شىمكەنتتەگى گۇل دۇكەندەرىنىڭ بىرىندە ەر ادامنىڭ ءفلوريستى يتەرىپ، گۇلدى الىپ كەتىپ بارا جاتقان ۆيدەوسى تاراعان ەدى. اۋەلى ول “پروكۋروردىڭ ۇلى” دەگەن اڭگىمە تاراعان. الايدا شىمكەنت پروكۋرورلارى ول ادامنىڭ پروكۋراتۋراعا قاتىسى جوق ەكەنىن، ەشقانداي پروكۋرورعا تۋىس ەمەس ەكەنى” جونىندە اقپارات تاراتقان.

كەيىن الەۋمەتتىك جەلىگە ەكىنشى ۆيدەو تارادى. وندا دا گۇل دۇكەنى قىزمەتكەرلەرىنە بەلگىسىز ەر ادامنىڭ قايشى الىپ، قورقىتقانىن كورۋگە بولادى. ەكىنشى تاراعان ەكى ۆيدەونىڭ ءبىرى بويىنشا كىنالى ادام انىقتالىپ، ونىڭ 7 تاۋلىككە قامالعانى بەلگىلى بولدى. ول ۆيدەو ارقىلى كەشىرىم سۇرادى. الايدا الەۋمەتتىك جەلى قولدانۋشىلارى ءبىرىنشى ۆيدەوداعى ادامنىڭ كىم ەكەنىن سۇراستىرا باستادى. اقىرى، ىشكى ىستەر مينيسترلىگى ەكىنشى ۆيدەوداعى ادام ەكس-پوليتسەي ەكەنىن راستاپ وتىر.