قاڭتار وقيعاسى قازاق قوعامىنىڭ باسىن قوستى دەسەك ارتىق ايتپايمىز. بۇرىن سىبىرلاپ ايتىلىپ كەلگەن ساياسي وزگەرىستەرگە قاتىستى ويلار ەندىگى جەردە اشىق ايتىلا باستادى.

باق وسى وقيعاعا بايلانىستى ەركىن الاڭعا اينالدى. جازىقسىز سوتتالعاندار، قىرشىنان قيىلعاندارعا قاتىستى قوعامدىق پىكىر اقيقاتتىڭ اۋىلىنا جاقىندادى. بىراق قازاق قوعامىنان الشاقتاپ پىكىرى قوسىلمايتىندار دا بار ەكەن...

14 تامىزدا ارىپتەسىمىز «الماتى» تەلەارناسى ۇجىمىنىڭ ءتۇسىرىلىم توبىنا قوقان-لوققى جاسالدى. قاڭتار وقيعاسى كەزىندە قازا تاپقان 4 جاسار ايكوركەم مەلدەحاننىڭ ولىمىنە قاتىستى سوت وتىرىسىن تۇسىرۋگە بارعان تەلەارنا قىزمەتكەرلەرىنە الماتى گارنيزونىنىڭ اسكەري سوتى ماڭىندا ازاماتتىق بەلسەندى بايباح بەليالوۆ كۇش كورسەتكەن.

كاسىپكەرلىكپەن اينالىسىپ، اقشاسى قالتاسىنا سىيماعان بايباحتىڭ بۇل جولعى كۇش قارىمى ەشنارسەنىڭ بايىبىنا بارماي، ءتۇسىرىلىم توبىنا شابۋىلداپ جۋرناليست پەن تەلەوپەراتورعا دەنە جاراقاتىن سالىپ قويماي، ءشتاتيۆتى سىندىرۋمەن تىنباي، ارىپتەستەرمىزگە قاراتا بىلاپىت سوزدەردى جاۋدىرىپ، ومىرلەرىنە قاۋىپ توندىرەتىن ايتىپ قورقىتقان.

تەلەارنا ۇجىمى بۇعان بەي-جاي قاراماي قر باس پروكۋراتۋراسى مەن ىشكى ىستەر مينيسترلىگىنەن، قر اقپارات جانە قوعامدىق دامۋ مينيسترلىگىنەن وسى وقيعاعا قاتىستى ءبىرشارا قولدانۋعا شاقىردى. سوندا قىرشىنان كەتكەن قارشاداي قىزدىڭ سوت وتىرىسىن جۋان جۇدىرىق كۇش كورسەتۋگە ارناعان بايباح بەليالوۆتىڭ قولتىعىنا كىم سۋ بۇرىكتىردى دەگەن ويدىڭ شەتى قىلتيادى.

Abai.kz