قىتايمەن شەكاراداعى «باقتى» وتكىزۋ پۋنكتى بىرنەشە كۇنگە جابىق بولادى، دەپ حابارلايدى قر قارجى مينيسترلىگى مەملەكەتتىك كىرىستەر كوميتەتىنىڭ ءباسپاسوز قىزمەتى. 

بيىلعى جىل باسىنان ەۋرازيالىق ەكونوميكالىق وداق ەلدەرىنىڭ كەدەندىك شەكاراسىنىڭ قازاقستان بولىگىندە ورنالاسقان وتكىزۋ پۋنكتەرىن جاڭارتۋ جانە تەحنيكالىق قوسىمشا جاراقتاندىرۋ جۇرگىزىلىپ جاتىر. وسىعان بايلانىستى قازاقستان-قىتاي شەكاراسىنداعى «باقتى» اۆتوموبيل وتكىزۋ پۋنكتى قايتا جاڭارتىلۋدا.

جۇمىستاردى جۇرگىزۋ كەستەسىنە سايكەس 18-20 تامىز ارالىعىندا سۋمەن جابدىقتاۋدىڭ سىرتقى جەلىلەرىن توسەۋ جوسپارلانعان. سۋ جەلىلەرى وتكىزۋ پۋنكتىنىڭ اۆتوموبيل جولى ارقىلى وتەتىندىكتەن، اتالعان كۇندەر ارالىعىندا كەدەن بەكەتى كولىك قۇرالدارى ءۇشىن جابىق بولادى.

««باقتى» وتكىزۋ پۋنكتى 2023 جىلعى 21 تامىزدا شتاتتىق رەجيمدە اشىلاتىنى جوسپارلانىپ وتىر. كەلتىرىلگەن قولايسىزدىقتار ءۇشىن كەشىرىم سۇرايمىز»، - دەلىنگەن كوميتەت مالىمەتىندە.

فوتو: اشىق دەرەككوزدەن

Abai.kz