قارجى مينيسترلىگىنىڭ شەتەلدىك اكتيۆتەردى باقىلاۋ باسقارماسى رەسەي مەن كحدر اراسىندا قارۋ ساتۋ بويىنشا مامىلەنى قولداۋعا تىرىسقان، سانكتسيالاردان جالتارۋ جەلىسىمەن بايلانىستى ءۇش ۇيىمعا قاتىستى سانكتسيا ەنگىزدى، - دەلىنگەن حابارلامادا.

ءۇش فيرمانىڭ سلوۆاكيا ازاماتى اشوت مكرتىچەۆكە قاتىسى بارى ايتىلعان. ول ناۋرىز ايىندا سولتۇستىككورەيالىق شەنەۋنىكتەرمەن رەسەيگە ازاماتتىق ۇشاقتار، شيكىزات جانە وزگە دە تاۋارلارعا ايىرباس رەتىندە «قارۋ-جاراق پەن وق-ءدارىنىڭ 20 شاقتى ءتۇرىن جەتكىزۋگە» ۋاعدالاسقانى ءۇشىن سانكتسياعا ىلىككەن.

سانكتسيالىق ءتىزىم قازاقستاندىق Defense Engineering جشس، سونداي-اق رەسەيلىك «ۆەرۋس» جشق جانە سلوۆاكيالىق Versor كومپانياسىمەن تولىقتى.

ادەتتە قارجى مينيسترلىگى تاراپىنان سالىنعان سانكتسيا اقش يۋريسديكتسياسىنداعى اكتيۆتەردىڭ بۇعاتتالعانىن بىلدىرەدى.

«جوعارىدا اتالعان تۇلعالاردىڭ قۇراما شتاتتارداعى نەمەسە ونىڭ يەلىگىندەگى، نە اقش ادامدارىنىڭ باقىلاۋىنداعى بارلىق مۇلكى بۇعاتتالعان»، - دەلىنگەن حابارلامادا.