ءماجىلىس دەپۋتاتى، «AMANAT» پارتياسى فراكتسياسىنىڭ مۇشەسى بولاتبەك ناجمەتدينۇلى شىمكەنت قالاسىنىڭ تۇرعىندارىمەن كەزدەسۋدە.

بۇگىن پوليتسيا دەپارتامەنتىنىڭ ۇجىمىمەن جۇزدەسءىپ، جەدەل باسقارۋ ورتالىعىنىڭ (جبو) جۇمىسىمەن تانىستى.

پوليتسەيلەردىڭ ايتۋىنشا، شىمكەنتتە قىلمىس دەڭگەيىن جانە توتەنشە جاعدايلار قاۋپىن ازايتۋ بويىنشا ارنايى ءىس-شارالار قولعا الىنعان.  وسى رەتتە شاھاردا «قاۋىپسىز قالا»باعدارلاماسى ءساتتى جۇزەگە اسىرىلىپ كەلەدى. پوليتسيا دەپارتامەنتىنىڭ جەدەل باسقارۋ ورتالىعىندا 11 مىڭنان استام بەينەباقىلاۋ كامەراسى بىرىكتىرىلگەن. سونىڭ ناتيجەسىندە جول قوزعالىسى ەرەجەلەرىن بۇزۋ فاكتىلەرىن اۆتوماتتى تۇردە تىركەۋگە، قيىلىستارداعى جانە تۇرعىن ۇيلەردىڭ اۋلالارىنداعى قوعامدىق ءتارتىپتى باقىلاۋعا بولادى.

سونىمەن قاتار «قاۋىپسىز مەكتەپ»باعدارلاماسى اياسىندا 186 مەملەكەتتىك جانە جەكەمەنشىك مەكتەپتەردە 3,3 مىڭنان استام بەينەباقىلاۋ كامەراسى ورناتىلدى. ونىڭ 2,5 مىڭعا جۋىعى اتالعان ورتالىققا قوسىلعان. تاعى 260-قا جۋىعى جەراستى وتكەلدەرىندە، دەنساۋلىق ساقتاۋ نىساندارىندا، ساۋدا ورتالىقتارىندا، دۇكەندەر مەن بازارلاردا قويىلعان.

بەينەباقىلاۋ كامەرالارىنىڭ كومەگىمەن وسى جىلدىڭ جەتى ايىندا شىمكەنتتە 300-گە جۋىق قىلمىس اشىلىپ، 33 مىڭنان استام اكىمشىلىك قۇقىق بۇزۋشىلىق انىقتالدى.

بولاتبەك ناجمەتدينۇلى حالىقپەن كەزدەسۋلەرى كەزىندە موپەدتەر مەن ەلەكتر سكۋتەرلەر تاراپىنان جول قوزعالىسى ەرەجەلەرىن بۇزۋ ماسەلەلەرى ءجيى كوتەرىلەءتىنىن اتاپ ءوتتى. دەپۋتات زاڭنامالىق دەڭگەيدەگى وزگەرىستەردى ەسكەرە وتىرىپ، وسى كولىك تۇرلەرىنە باقىلاۋدى كۇشەيتۋ قاجەتتىگىنە نازار اۋداردى. سونداي-اق بولىنگەن قاراجاتتى ءتيىمدى پايدالانۋ جانە جۇمىس ساپاسىن ارتتىرۋ ماسەلەسىنە ەرەكشە توقتالدى.

پوليتسيا قىزمەتكەرلەرىمەن اڭگىمەبارىسىندا كادر تاپشىلىعىن شەشۋ، قۇقىق قورعاۋ ورگاندارى قىزمەتىنىڭ بەدەلىن ارتتىرۋعا قاتىستى سۇراقتار دا تالقىلاندى.

ءماجىلىس دەپۋتاتتارىنىڭ وڭىرلەرگە ساپارى ودان ءارى جالعاسۋدا.

Abai.kz