قاراعاندى وبلىسىنداعى «قازاقستان» شاحتاسىندا تاعى ءبىر جۇمىسشىنىڭ دەنەسى تابىلدى. 

«شاحتادا اۆاريالىق-قۇتقارۋ جۇمىستارى تۇنىمەن جۇرگىزىلدى. ساعات 8:15-تەگى جاعداي بويىنشا تاعى ءبىر جۇمىسشىنىڭ دەنەسى تابىلدى. قازىر ءمايىتتى بەرۋ شارالارى ءجۇرىپ جاتىر.

قازىرگى ۋاقىتتا ءورتتى وقشاۋلاۋ بويىنشا 4 بولىمشە جۇمىس ىستەۋدە، ولار اۆاريالىق وندىرىستەن تەمپەراتۋرانى تۇسىرۋمەن اينالىسىپ جاتىر. قالعان جۇمىسشىلاردى ىزدەپ-تابۋ ءۇشىن تاعى 3 بولىمشە تاۋ-كەن شىعارىندىلارىن تەكسەرۋگە جۇمىلدىرىلعان. جۇمىسشىلارىمىزدى جەدەل ىزدەپ-تابۋعا بارلىق شارا قابىلدانىپ جاتىر»، - دەدى «ارسەلورميتتال تەمىرتاۋ» اق اتقارۋشى ديرەكتورىنىڭ ورىنباسارى سەرگەي وگاي.

ەسكە سالايىق، «قازاقستان» شاحتاسىندا ءورت كەشە، 17 تامىز كۇنى ساعات 10:05-تە تۇتاندى.

اپات كەزىندە جەر استىندا 227 كەنشى بولدى. 222 ادامدى جەر بەتىنە جەدەل كوتەرۋ مۇمكىن بولدى، سەگىزى زارداپ شەكتى.

5 جۇمىسشىنىڭ تاعدىرى بەلگىسىز بولدى. كەيىن ولاردىڭ ءبىرىنىڭ دەنەسى تابىلدى. قالعان 3 ادامدى ىزدەستىرۋ جالعاسىپ جاتىر.

پوليتسيا اتالعان فاكتى بويىنشا قر قىلمىستىق كودەكسىنىڭ 277-بابى 3-بولىگى («تاۋ-كەن نەمەسە قۇرىلىس جۇمىستارىن جۇرگiزۋ كەزiندە قاۋiپسiزدiك قاعيدالارىن بۇزۋ») بويىنشا قىلمىستىق ءىس قوزعالدى.

مەملەكەت باسشىسى قاسىم-جومارت توقاەۆ ۇكىمەتكە جانە قاراعاندى وبلىسىنىڭ اكىمدىگىنە اپات سەبەپتەرىنە جان-جاقتى تەرگەۋ جۇرگىزۋ، سونداي-اق زارداپ شەككەندەرگە قاجەت بارلىق كومەكتى كورسەتۋ جونىندە تاپسىرما بەردى.

فوتو: عالامتوردان

Abai.kz