22 تامىزدا الماتى وبلىسى جامبىل اۋدانى ۇلكەن اۋىلىندا اتوم ەلەكتر ستانتسياسىن سالۋ ماسەلەسى بويىنشا كوپشىلىك تالقىلاۋ وتەدى، دەپ حابارلايدى ەنەرگەتيكا مينيسترلىگىنىڭ ءباسپاسوز قىزمەتى. 

21 شىلدەدە الماتى وبلىسى جامبىل اۋدانىنىڭ اكىمدىگى Facebook پاراقشاسىندا، Instagram-كانالىندا جانە رەسمي سايتىندا، سونداي-اق اتامەكەن گازەتىندە (№28) بارلىق نيەت بىلدىرۋشىلەردى تالقىلاۋعا قاتىسۋعا شاقىرا وتىرىپ، ءتيىستى حابارلاندىرۋدى جاريالادى.

ەستەرىڭىزگە سالا كەتەيىك، «قازاقستاندىق اتوم ەلەكتر ستانتسيالارى» جشس جۇرگىزگەن زەرتتەۋلەرىنىڭ قورىتىندىسى بويىنشا اتوم ەلەكتر ستانتسياسى قۇرىلىسىنىڭ ەڭ قولايلى اۋدانى رەتىندە الماتى وبلىسى جامبىل اۋدانى ۇلكەن اۋىلىنىڭ اۋماعى ۇسىنىلدى. زەرتتەۋ ناتيجەلەرى 2022 جىلعى مامىردا قازاقستان رەسپۋبليكاسىنىڭ اتوم سالاسىن دامىتۋ جونىندەگى ۆەدومستۆوارالىق كوميسسيانىڭ وتىرىسىندا قارالدى جانە ماقۇلداندى.

قازاقستان رەسپۋبليكاسى «اتوم ەنەرگياسىن پايدالانۋ تۋرالى» زاڭىنىڭ 12-بابىنا سايكەس ۇكىمەتتىڭ اەس ورنالاستىرۋ اۋدانىن تاڭداۋ تۋرالى ءتيىستى شەشىمىن قابىلداۋ ءۇشىن اۋماعىندا قوندىرعى سالۋ جوسپارلانىپ وتىرعان جەرگىلىكتى وكىلدى ورگانداردىڭ ء(ماسليحاتتىڭ) كەلىسىمى تالاپ ەتىلەدى. وسىعان بايلانىستى الماتى وبلىسى جامبىل اۋدانىنىڭ اكىمدىگى تۇرعىنداردىڭ ءوز اۋماعىندا اەس سالۋ ماسەلەسىنە قاتىناسىن انىقتاۋ ماقساتىندا وسى تالقىلاۋلارعا باستاماشىلىق جاسادى.

تىڭداۋلاردا ەكولوگيا، دەنساۋلىق، تابيعي-كليماتتىق فاكتورلاردىڭ اەس-كە اسەرى، ەكونوميكالىق فاكتورلار، ينفراقۇرىلىمدى دامىتۋ، اەس-ءتىڭ شاعىن جانە ورتا بيزنەستى دامىتۋعا اسەرى، سونداي-اق باسقا دا وزەكتى ماسەلەلەردى تالقىلاۋ جوسپارلانۋدا.

تىڭداۋعا حالىق، باق وكىلدەرى، الماتى وبلىسىنىڭ قوعامدىق كەڭەسى، قر ەنەرگەتيكا مينيسترلىگى، الماتى وبلىسىنىڭ اكىمدىگى، قر «ۇلتتىق يادرولىق ورتالىعى» رمك، «يادرولىق فيزيكا ينستيتۋتى» رمك، «قازاقستاندىق اتوم ەلەكتر ستانتسيالارى» جشس، يادرولىق تەحنولوگيالار قاۋىپسىزدىگىنىڭ عىلىمي-تەحنيكالىق ورتالىعى، قازاقستاننىڭ يادرولىق قوعامى جانە ەكولوگيا، سەيسميكا، قاۋىپسىزدىك، ەنەرگەتيكا، ينفراقۇرىلىم، شوب جانە ت.ب. سالالارداعى سالالىق ساراپشىلار قاتىسادى.

تىڭداۋ بارىسىندا ازاماتتار تەحنولوگيالاردىڭ قاۋىپسىزدىگى بويىنشا دا، اەس قۇرىلىسىنىڭ الەۋمەتتىك-ەكونوميكالىق اسپەكتىلەرى بويىنشا دا وزدەرىن قىزىقتىراتىن كەز كەلگەن سۇراقتارىن قويا الادى.

وسى جاريا تالقىلاۋلار قازاقستان رەسپۋبليكاسىنىڭ ەكولوگيالىق كودەكسىنە سايكەس وتكىزىلەتىن قوعامدىق تىڭداۋلار بولىپ تابىلمايتىنىن اتاپ وتەمىز. قوعامدىق تىڭداۋلار جوبالىق قۇجاتتامانى ازىرلەگەننەن كەيىن جوبانى ەكولوگيالىق باعالاۋ كەزەڭدەرىندە كەيىنىرەك وتكىزىلۋى ءتيىس. تومەندەگى كەستەدە قوعامدىق تالقىلاۋلار مەن قوعامدىق تىڭداۋلار اراسىنداعى ايىرماشىلىق كورسەتىلگەن.

Abai.kz