الماتىدا جاپىراق جەيتىن زيانكەستەر مەن زەڭ اۋرۋلارى قوزدىرعىشتارىنا قارسى بيولوگيالىق وڭدەۋدىڭ ءتورتىنشى كەزەڭى باستالدى، دەپ حابارلادى قالا اكىمدىگى.

الدىڭعى ءۇش كەزەڭ بيىل ساۋىردەن تامىزعا دەيىن جۇرگىزىلگەن بولاتىن.

اعاشتاردىڭ تۇراقتى جاعدايىن جاقسارتۋ، ساقتاۋ جانە ولاردىڭ ءارتۇرلى زياندى ورگانيزمدەرگە توزىمدىلىگىن ارتتىرۋ ءۇشىن ءتورتىنشى كەزەڭ اياسىندا بيووڭدەۋمەن 2,3 ميلليوننان استام اعاشتى قامتۋ جوسپارلانىپ وتىر. زيانكەستەر بيولوگياسىنىڭ ەرەكشەلىكتەرىن ەسكەرە وتىرىپ، وڭدەۋ تۇندە جانە تاڭەرتەڭ ەرتە جۇرگىزىلەدى، - دەلىنگەن حابارلامادا.

اكىمدىك قازاقستان اۋماعىندا قولدانۋعا رۇقسات ەتىلگەن، قاۋىپتىلىگى تومەن سەرتيفيكاتتالعان بيولوگيالىق جانە كەيبىر جاعدايلاردا حيميالىق پرەپاراتتاردى پايدالاناتىنىن اتاپ ءوتتى. ولاردىڭ ادامدارعا، قۇستار مەن جانۋارلارعا ەش زيانى جوق.

اۋا رايى قولايلى بولعان جاعدايدا ءتورتىنشى كەزەڭدى 20 قىركۇيەكتە اياقتاۋ جوسپارلانعان.