پوليتسيا سقو-دا WhatsApp جەلىسىندە تاراپ جاتقان دوموفوندى اۋىستىرۋ تۋرالى حابارلاماعا قاتىستى تۇسىنىك بەردى، دەپ حابارلايدى قر ءىىم ءباسپاسوز قىزمەتى.

سولتۇستىك قازاقستان وبلىسىندا QR-كود كورسەتىلگەن دوموفوندى اۋىستىرۋ تۋرالى حابارلاندىرۋدىڭ فوتوسۋرەتى تاراپ جاتىر.

- الەۋمەتتىك جەلىلەردە جەلى قولدانۋشىلارى دوموفوندى اۋىستىرۋ تۋرالى باسقارۋشى كومپانيالاردىڭ ءبىرىنىڭ حابارلاندىرۋىن تاراتۋدا. تاراتىلىپ جاتقان حابارلاندىرۋ — جالعان اقپارات. وسى سياقتى حابارلاندىرۋلاردا كورسەتىلەتىن QR-كودتاردى سكانەرلەمەڭىزدەر جانە كۇماندى سىلتەمەلەر ارقىلى وتپەڭىزدەر. ادامداردان تەك رەسمي اقپاراتقا سەنۋدى نە بولماسا دوموفوندى جوندەۋمەن اينالىساتىن قىزمەت كورسەتۋشى كومپانيالارىنا حابارلاسۋىن سۇرايمىز، — دەيدى سقو پد كريمينالدىق پوليتسيا باسقارماسىنىڭ باستىعى مارات جۇماليەۆ.

ايتا كەتۋ قاجەت، وسىعان ۇقساس حابارلاندىرۋ سوڭعى ۋاقىتتا كورشى ەلدەردەگى جەلى قولدانۋشىلارىنىڭ اراسىندا، اتاپ ايتقاندا، رەسەيلىك پابليكتەردە جانە ۆكونتاكتە جەلىسىندەگى قاۋىمداستىقتاردا دا بەلسەندى تاراۋدا.

Abai.kz