اسقاربەك ەرتاەۆ قازاقستانعا تۇراقتى تۇرۋعا شەتەلدىكتەر كوپ جاعدايدا تمد، قحر جانە موڭعوليا ەلدەرىنەن كەلەتىنىن ايتتى. جىل باسىنان بەرى 76 شەتەلدىك ازاماتقا ينۆەستورلىق ۆيزالار بەرىلگەن.

سونداي-اق، ول اعىمداعى جىلدىڭ باسىنان باستاپ قازاقستانعا 13,5 مىڭ قانداس كەلگەنىن، ونىڭ 8,5 مىڭى ەڭبەككە قابىلەتتى ەكەنىن ايتتى.

سونىمەن قاتار، ءبىزدىڭ ەلدە 321 بوسقىن، 559 باسپانا ىزدەۋشى تىركەلگەن.

"گەوساياسي تاۋەكەلدەردى، ونىڭ ىشىندە باسپانا ىزدەۋشىلەردىڭ جاپپاي اعىنىن ەسكەرە وتىرىپ، ۇكىمەت ولاردى ۋاقىتشا قونىستاندىرۋ پۋنكتتەرىندە قابىلداۋ مەن ورنالاستىرۋدىڭ ءتيىستى ەرەجەلەرىن بەكىتتى", – دەدى ەرتاەۆ بريفينگتە.

جۋرناليستەردىڭ سۇراقتارىنا جاۋاپ بەرە وتىرىپ، ەرتاەۆ قازاقستان ازاماتتارىنىڭ شەتەلگە كوشۋى تۋرالى مالىمەتتەردى جاريا ەتتى. بيىل ەلدەن 200 مىڭعا جۋىق قازاقستاندىق كەتكەنى بەلگىلى بولدى. ولاردىڭ كوپشىلىگى ناپاقا ىزدەپ كەتكەن.

"بيىلعى جىلدىڭ ءبىرىنشى توقسانىندا بىزدە 194 مىڭ قازاقستاندىق شەتەلگە كەتتى. ولار نەگىزىنەن اقشا تابۋعا كەتتى. 2022 جىلى وقۋعا 25 مىڭ قازاقستاندىق وزگە مەملەكەتتەرگە وقۋعا اتتاندى", - دەدى ول.