الماتى قالاسى اۋەزوۆ اۋدانى بويىنشا سالىق مەملەكەتتىك كىرىستەر باسقارماسى 2023 جىلعى 1 ساۋىرىنەن باستاپ تاۋارلارعا ىلىسپە جۇك قۇجاتتاردى راسىمدەۋ بويىنشا مىندەتتەمەلەر كۇشىنە ەنگەنىن ەسكەرتەدى، ولار:

- «ۆيرتۋالدى قويما» ءمودۋلىن قولدانا وتىرىپ، مۇناي ونىمدەرى، الكوگول ونىمدەرى، توڭازىتقىشتار مەن مۇزداتقىشتار بويىنشا;

- «ۆيرتۋالدى قويما» ءمودۋلىن قولدانباي ەاەو شەڭبەرىندە (بارلىق تاۋارلار بويىنشا) تاۋارلاردىڭ يمپورتى/ەكسپورتى كەزىندە.

قالعان تاۋارلار بويىنشا تاۋارلارعا ىلىسپە جۇك قۇجاتتاردى قولدانۋ ەرىكتى نەگىزدە جۇزەگە اسىرىلادى.

تاۋارلارعا ىلىسپە جۇك قۇجاتتاردى راسىمدەۋگە جاتاتىن تاۋارلاردىڭ تىزبەسى جانە راسىمدەۋ قاعيدالارى قازاقستان رەسپۋبليكاسى پرەمەر-ءمينيسترىنىڭ ءبىرىنشى ورىنباسارى-قازاقستان رەسپۋبليكاسى قارجى ءمينيسترىنىڭ 2019 جىلعى 26 جەلتوقسانداعى № 1424 بۇيرىعىمەن رەتتەلەد.

تاۋارلارعا ىلىسپە جۇك قۇجاتتاردى راسىمدەۋ بولىگىندەگى بۇزۋشىلىقتار ءۇشىن «اكىمشىلىق قۇقىق بۇزۋشىلىق تۋرالى» قازاقستان رەسپۋبليكاسى كودەكسىنىڭ 283-1 بابىندا اكىمشىلىك جاۋاپكەرشىلىك كوزدەلگەن.

ماڭىزدى ايتا كەتۋ قاجەت:

1. تاۋارلارعا ىلىسپە جۇك قۇجاتتاردى ەلەكتروندىق شوت-فاكتۋرالاردىڭ اقپاراتتىق جۇيەسىندە ءۇش تاسىلمەن: gov.kz پورتالىندا، سالىق تولەۋشىلەردىڭ ەسەپكە الۋ جۇيەلەرى ارقىلى نەمەسە ەشف اج ءموبيلدى قوسىمشاسىندا راسىمدەلەدى. بارلىق كورسەتىلگەن ادىستەرگە قول جەتكىزۋ تەگىن.

2. «ۆيرتۋالدى قويما» ءمودۋلىن قولدانباي تاۋارلارعا ىلىسپە جۇك قۇجاتتاردى راسىمدەۋ ءۇشىن: راسىمدەۋ كەزىندە پورتالدا «تاۋار ۆق ەمەس» تاڭداۋىن پايدالانۋ قاجەت; ەسەپكە الۋ جۇيەلەرىن پايدالانۋ كەزىندە «تاۋار يدەنتيفيكاتورى» باعانىندا «1» سانى قويىلادى.

3. تاۋارلاردى «ۆيرتۋالدى قويماعا» كىرىستى ءوشىرۋ ءۇشىن (تاۋارلارعا ىلىسپە جۇك قۇجاتتاردى راسىمدەۋ بويىنشا مىندەتتەمەلەرى جوق تاۋارلار بويىنشا) ەشف اج پورتالىنداعى پارامەترلەردى وزگەرتۋ قاجەت (پارامەترلەر – ۆق دەرەكتەردى قابىلداۋ)

4. تولىق پايدالانۋشى نۇسقاۋلىعى «ەشف اج» ءبولىمى «ەشف اج» بويىنشا قۇجاتتار» قويىندىسى – «پايدالانۋشى نۇسقاۋلىعى (جۇكتەۋ)» gov.kz سايتىندا ورنالاستىرىلعان.

سىلتەمە https://www.kgd.gov.kz/ru/content/dokumenty-po-esf-1.

5. تەحنيكالىق قولداۋ قىزمەتى esfsd@kgd.minfin.gov.kz ەلەكتروندىق مەكەنجاي بويىنشا جانە +7(7172)72-78-72 تەلەفون لينياسى بويىنشا 24/7 رەجيمدە جۇمىس ىستەيدى.

الماتى قالاسى اۋەزوۆ اۋدانى بويىنشا سالىق مەملەكەتتىك كىرىستەر باسقارماسى

Abai.kz