رەسەيدىڭ قازاقستاننىڭ قوستاناي وبلىسىنىڭ تۇرعىندارىن ۋكرايناداعى سوعىس قيمالدارىنا قاتىسۋ ءۇشىن جالداعاندىعىن ۇلىبريتانيانىڭ قورعانىس مينيستەرلىگىنىڭ ءباسپاسوز قىزمەتى مالىمدەدى.

وسى حابارلامادا: «2023 جىلدىڭ ماۋسىم ايىنداعى جاعداي بويىنشا رەسەي ۋكرايناداعى سوعىس قيمالدارىنا قاتىسۋ ءۇشىن كورشى ەلدەردىڭ ازاماتتارىن جالداۋ ءۇشىن جەكە تۇلعالارعا قاراتا حابارلاندىرۋلار جاريالاي باستادى. قوستاناي وبلىسىندا ەتنيكالىق ورىستار اراسىندا جەكە تۇلعالاردى تارتۋ ارەكەتىنە كۇش سالىنۋدا»، – دەلىنگەن.

ارمەنيا مەن قازاقستاندا تاراعان ونلاين-حابارلاندىرۋدا العاشقى جارعىنى 495 000 رۋبل (5 140 اقش دوللارى) جانە جالاقىسىن 190 000 رۋبل (2000 اقش دوللارى) كولەمىندە ۇسىنادى دەپ اتاپ ءوتىلدى.

ەستەرىڭىزگە سالا كەتەيىك، وسىعان دەيىن Reuters جۋرناليستەرى رەسەي جانە قازاقستان جالاۋى جەلبىرەگەن «ارقاعا ارقا» («پلەچوم ك پلەچۋ») ۇرانىمەن اتتانداعان ينتەرنەت جارنامانىڭ عالامتور كەڭىستىگىن كەزىپ جۇرگەنىن جازعان.

ۇلىبريتانيادان كەلىپ تۇسكەن اقپارات بويىنشا، رەسەي 2023 جىلدىڭ مامىرىنان باستاپ، ورتالىق ازيانىڭ ميگرانتتارىنا ۋكرايناعا بارىپ سوعىسۋعا ءوتىنىش جاساپ، ازاماتتىقتى جەڭىلدىكپەن الۋعا جانە 4160 اقش دوللارى ارلىعىندا جالاقى ۋادە بەرگەن دەلىنەدى.

بۇل ورايدا «رەسەي 2024 جىلعى پرەزيدەنت سايلاۋى قارساڭىندا ءوز ىشىندە بۇرىق ەتە تۇسەتىن اسكەرگە جاپپاي الۋدىڭ قارسىلىعىن باسۋدىڭ ءبىر شاراسىن قاراستىرىپ، سوعىستاعى الاپات ادام شىعىنىنىڭ بوداۋى بولۋى ءۇشىن شەتەلدىك ازاماتتاردى بودانداۋدى شۇعىل قولعا الا باستادى»، – دەپ ەسەپتەيدى ۇلىبريتانيانىڭ قورعانىس مينيستەرلىگى.

Abai.kz