ۇلى جاراتۋشىنىڭ پەندەلەرىنە تارتقان تەڭدەسسىز سىيى بولعان قاسيەتتى رامازان ايىن پاۆلودارلىقتار ۇلكەن قۇرمەتپەن قارسى الىپ جاتىر.

پاۆلودار قالاسى اكىمدىگىنىڭ ۇيىمداستىرۋىمەن «ءماشھۇر ءجۇسىپ» مەشىتىنىڭ ۇلكەن اسحاناسىندا اي بويى كۇن سايىن اۋىزاشار جاسايتىن مەكەمەلەر مەن كاسىپورىنداردىڭ ءتىزىمى جاسالىپ، باقىلاۋعا الىنۋدا. ەڭ نەگىزگىسى وسى اۋىزاشارلارعا تۇرمىسى تومەن، كوپبالالى وتباسى مۇشەلەرى، سوعىس جانە ەڭبەك ارداگەرلەرى، زاعيپ جاندار، بالالار ۇيلەرى، قارتتار ءۇيى، جالعىز باستى قارتتار قاتارلى الەۋمەتتىك از قامتىلعان توپتاردى قامتىپ وتىرۋدى «ءماشھۇر ءجۇسىپ» مەشىتى ءوز باقىلاۋىندا ۇستايدى.

سونىمەن قاتار قالالىق ورتالىق بازاردىڭ 1 – قاباتىنداعى ەت ساتاتىن بولىمگە اۋىل شارۋاشىلىعىنىڭ «حالال ونىمدەر» ءبولىمى اشىلىپ ول جەرگە دە «قاسيەتتى رامازان مۇباراك بولسىن!» دەگەن جازۋى بار باننەر ورناتىلىپ، جىلقى، قوي ەتتەرى مەن ءسۇت تاعامدارى اي بويى ارزانداتىلعان باعامەن ساتىلا باستادى.

ۇلى جاراتۋشىنىڭ پەندەلەرىنە تارتقان تەڭدەسسىز سىيى بولعان قاسيەتتى رامازان ايىن پاۆلودارلىقتار ۇلكەن قۇرمەتپەن قارسى الىپ جاتىر.

پاۆلودار قالاسى اكىمدىگىنىڭ ۇيىمداستىرۋىمەن «ءماشھۇر ءجۇسىپ» مەشىتىنىڭ ۇلكەن اسحاناسىندا اي بويى كۇن سايىن اۋىزاشار جاسايتىن مەكەمەلەر مەن كاسىپورىنداردىڭ ءتىزىمى جاسالىپ، باقىلاۋعا الىنۋدا. ەڭ نەگىزگىسى وسى اۋىزاشارلارعا تۇرمىسى تومەن، كوپبالالى وتباسى مۇشەلەرى، سوعىس جانە ەڭبەك ارداگەرلەرى، زاعيپ جاندار، بالالار ۇيلەرى، قارتتار ءۇيى، جالعىز باستى قارتتار قاتارلى الەۋمەتتىك از قامتىلعان توپتاردى قامتىپ وتىرۋدى «ءماشھۇر ءجۇسىپ» مەشىتى ءوز باقىلاۋىندا ۇستايدى.

سونىمەن قاتار قالالىق ورتالىق بازاردىڭ 1 – قاباتىنداعى ەت ساتاتىن بولىمگە اۋىل شارۋاشىلىعىنىڭ «حالال ونىمدەر» ءبولىمى اشىلىپ ول جەرگە دە «قاسيەتتى رامازان مۇباراك بولسىن!» دەگەن جازۋى بار باننەر ورناتىلىپ، جىلقى، قوي ەتتەرى مەن ءسۇت تاعامدارى اي بويى ارزانداتىلعان باعامەن ساتىلا باستادى.

قالانىڭ ەڭ نەگىزگى كوشەلەرى  سانالاتىن ق.ساتباەۆ داڭعىلى مەن كۋتۋزوۆ كوشەسى بويىنداعى ادامدار ەڭ كوپ جۇرەتىن جەرلەرگە رامازان ايىنا ارنالعان 2 بيلبورد ورناتىلدى. ال قالالىق ترامۆاي باسقارماسى قالا ىشىندەگى بارلىق باعىتتاردا جۇرەتىن 60-قا جۋىق ترامۆايدىڭ تەرەزەسىنە «ورازا قابىل بولسىن!» دەگەن جازۋى بار جارقاعازدار ىلسە، قالالىق اۆتوبۋس پاركى قالا ىشىندە قاتىنايتىن مارشرۋتتىق 50-دەن استام اۆتوبۋستىڭ ىشىندەگى مونيتورىنا «رامازان ايى مۇباراك بولسىن!، ورازا قابىل بولسىن!», – دەگەن جازبالار ورنالاستىردى. اۆتوبۋس مونيتورىنداعى جازۋلار رامازان ايى بويى ءاربىر 2 مينۋت سايىن قايتالاپ شىعىپ تۇراتىن بولادى.

وبلىس كولەمىندەگى بارلىق قالا، اۋدان، اۋىل مەشىتتەرى اۋلاسىنا قمبد-دان كورسەتىلگەن ۇلگىدەگى بىرىڭعاي باننەرلەر ءىلىندى. وبلىستىق ورتالىق «ءماشھۇر ءجۇسىپ» مەشىتى، قالالىق «اقمەشىت»، «ءابۋ باكىر سىددىق» مەشىتتەرى مەرەكەلىك اشەكەيلەر، ناقىشتارمەن بەزەندىرىلدى. «ءماشھۇر ءجۇسىپ» مەشىتىنەن رامازان ايىنا ارنالعان ۋاعىز-ناسيحات جازىلعان 3 ءتۇرلى بۇكتەمەلەرگە قوسا رامازان كەستەلەرى ءتۇرلى-ءتۇستى قاعازدارعا مول كولەمدە جاسالىپ جاماعاتقا تاراتىلۋدا. ال تاراۋىق نامازدارىن وتكىزۋگە قالالىق مەشىتتەردە ارنايى قاريلەر الدىرىلىپ، كۇن سايىن 1 – 2 پارا وقىلادى، جالپى ورتالىق مەشىتتە تاراۋىق نامازىنا تۇراقتى 800 – 1000  ادام ۇزبەي قاتىسۋدا.

كەز كەلگەن باسقا مەرزiممەن سالىستىرعاندا جاقسىلىقتار مەن ساۋاپتار سانسىز ەسەلەنiپ جازىلاتىن رامازان ايىنىڭ قادىرىن ءبىز ءتۇسىنىپ بولعانشا، زۋلاپ وتە شىعادى. ەندەشە رامازان ايىنداعى زور نىعمەتتەردەن قۇر قالمايىق، اعايىن! اللا تاعالا رامازاننىڭ ءاربىر ساتىنەن ءوز ۇلەسىمىزدى الىپ، ءجاننات قاقپالارىنان ءجۇزىمىز جارقىن بوپ كىرۋدى ءناسىپ ەتكەي!