ەڭ نەگىزگى، ەڭ جاۋاپتى مىندەتتەرى ءبىزدىڭ ءوڭىردىڭ يىعىنا ارتىلعان قازاق فۋتبولىنىڭ 100 جىلدىق مەرەيتويى جاقىنداپ قالدى. الايدا تورقالى تويعا ارنالىپ ىسكە اسىرىلادى دەپ جوسپارلاعان كەيبىر شارۋالار مەجەلى مەرزىمگە دەيىن تىندىرىلمايتىن ءتۇرى بار. سولاردىڭ ءبىرى –ايماق باسشىسىنىڭ ءجۇز الاڭ سالۋ تاپسىرماسى.  

بۇلتاپسىرما وبلىستىق تۋريزم، دەنەشىنىقتىرۋ جانە سپورت، ءبىلىم باسقارمالارىنىڭ باسشىلارىنا، اۋدان-قالالاردىڭ اكىمدەرىنە وسىدان ءبىر جىل بۇرىن جۇكتەلگەن-ءدى. سودان بەرى وبلىس اكىمى بەردىبەك ساپارباەۆ سالاعا قاتىستى وتكىزىلگەن بارلىق جيىنداردا قازاق فۋتبولىنىڭ عاسىر تويىنا ازىرلىك بارىسىن، ونىڭ ىشىندە ايماقتا ءجۇز جاساندى شاعىن فۋتبول الاڭىن سالۋ ماسەلەسىن قاداعالاپ، سۇراپ، ءتيىستى مىندەتتەر جۇكتەۋدى قاپەردەن شىعارعان ەمەس. ءجۇز الاڭ يدەياسىن جۇزەگە اسىرۋعا رەسپۋبليكالىق، وبلىستىق، اۋداندىق بيۋدجەتتەردەن جانە دەمەۋشى كاسىپكەرلەردەن قوماقتى قاراجات بولىنگەن. ناقتى سانعا جۇگىنسەك، اتالعان ماقساتقا باعىتتالعان جالپى اقشانىڭ كولەمى 481,6 ملن. تەڭگەنى قۇرايدى، مۇنىڭ 106,1 ملن. تەڭگەسى دەمەۋشىلەردىڭ مەنشىكتى قارجىسى. سول سەكىلدى رەسپۋبليكالىق قازىنادان – 127,9 مىڭ تەڭگە، وبلىستىق بيۋدجەتتەن – 90,1 مىڭ تەڭگە، جەرگىلىكتى بيۋدجەتتەن – 157,5 مىڭ تەڭگە قاراستىرىلعان.

ەڭ نەگىزگى، ەڭ جاۋاپتى مىندەتتەرى ءبىزدىڭ ءوڭىردىڭ يىعىنا ارتىلعان قازاق فۋتبولىنىڭ 100 جىلدىق مەرەيتويى جاقىنداپ قالدى. الايدا تورقالى تويعا ارنالىپ ىسكە اسىرىلادى دەپ جوسپارلاعان كەيبىر شارۋالار مەجەلى مەرزىمگە دەيىن تىندىرىلمايتىن ءتۇرى بار. سولاردىڭ ءبىرى –ايماق باسشىسىنىڭ ءجۇز الاڭ سالۋ تاپسىرماسى.  

بۇلتاپسىرما وبلىستىق تۋريزم، دەنەشىنىقتىرۋ جانە سپورت، ءبىلىم باسقارمالارىنىڭ باسشىلارىنا، اۋدان-قالالاردىڭ اكىمدەرىنە وسىدان ءبىر جىل بۇرىن جۇكتەلگەن-ءدى. سودان بەرى وبلىس اكىمى بەردىبەك ساپارباەۆ سالاعا قاتىستى وتكىزىلگەن بارلىق جيىنداردا قازاق فۋتبولىنىڭ عاسىر تويىنا ازىرلىك بارىسىن، ونىڭ ىشىندە ايماقتا ءجۇز جاساندى شاعىن فۋتبول الاڭىن سالۋ ماسەلەسىن قاداعالاپ، سۇراپ، ءتيىستى مىندەتتەر جۇكتەۋدى قاپەردەن شىعارعان ەمەس. ءجۇز الاڭ يدەياسىن جۇزەگە اسىرۋعا رەسپۋبليكالىق، وبلىستىق، اۋداندىق بيۋدجەتتەردەن جانە دەمەۋشى كاسىپكەرلەردەن قوماقتى قاراجات بولىنگەن. ناقتى سانعا جۇگىنسەك، اتالعان ماقساتقا باعىتتالعان جالپى اقشانىڭ كولەمى 481,6 ملن. تەڭگەنى قۇرايدى، مۇنىڭ 106,1 ملن. تەڭگەسى دەمەۋشىلەردىڭ مەنشىكتى قارجىسى. سول سەكىلدى رەسپۋبليكالىق قازىنادان – 127,9 مىڭ تەڭگە، وبلىستىق بيۋدجەتتەن – 90,1 مىڭ تەڭگە، جەرگىلىكتى بيۋدجەتتەن – 157,5 مىڭ تەڭگە قاراستىرىلعان.

– بۇعان قوسا اتاۋلى مەرەكەگە وراي وبلىسىمىزدا ەسكىرگەن 3 فۋتبول الاڭىن قايتا قالپىنا كەلتىرۋ جۇمىستارىنا شامامەن 157 ملن. تەڭگە (وبلىستىق – 122,0 ملن، اۋداندىق – 5 ملن، دەمەۋشىلەر كومەگى – 30 ملن. تەڭگە) قاراجات ءبولىندى. وسى قارجىعا جوندەۋ جۇمىستارى جۇرگىزىلۋدە، - دەپ ناقتىلاعان وبلىستىق تۋريزم، دەنەشىنىقتىرۋ جانە سپورت باسقارماسى جالپى سپورت ءبولىمىنىڭ مامانى بەكتاس سەرىكوۆ كەيبىر اۋداندار مەن قالالار وزدەرىندە سالىنۋى ءتيىس جاساندى الاڭدار جونىندە مالىمەتتەردى بەرمەي وتىرعانىن العا تارتتى.         

ونىڭ ايتۋىنشا، بۇگىنگى كۇنى كاتونقاراعاي اۋدانىندا ەكى، زايسان اۋدانىندا ءبىر جاساندى توسەنىش توسەلگەن شاعىن فۋتبول الاڭى سالىنىپ، قولدانىسقا بەرىلىپتى. قالعان اۋدان-قالالاردان سىبىس جوق.

ول - راس. باسقا ەلدى مەكەندەر بىلاي تۇرىپتى، وبلىستىڭ ورتالىعى – وسكەمەننىڭ وزىندە بوي كوتەرۋى ءتيىس التى الاڭنىڭ ءبىر دە بىرەۋى ىسكە قوسىلعان جوق. ىسكە قوسىلمادى دەيمىز-اۋ، وسى التاۋىنا ارناپ قالا ىشىنەن ءبولىنىپ بەرىلگەن جەرلەردى ادەيى ارالاپ كورگەندە كوز جەتكىزگەنىمىز مىناۋ – ءارامشوپ باسقان الاڭقايدا بەس-التى بالا دوپ تەۋىپ ءجۇر. باسقا دىم دا جوق. الگى قاعاز جۇزىندەگى (جوسپارداعى) ادەمى فۋتبول الاڭدارىنان بەلگى دە بايقالمايدى. ماسەلەن، وسكەمەندىك جاۋاپتى ورىنداردىڭ بەرگەن دەرەكتەرىنە سەنسەك، وبلىس ورتالىعىندا بيىل جازدا سلاۆسكي اتىنداعى جاعالاۋ، 60, قازاقستان كوشەسى، 70, د. بەدنوگو كوشەسى، 26, سوگرينسكايا كوشەسى، 138 ا، زاپادنىي كوشەسى، 14, ۆورونينا كوشەسى، 34 مەكەنجايلارىندا جاساندى شاعىن فۋتبول الاڭدارى تۇرعىزىلۋى ءتيىس ەدى. وكىنىشكە قاراي، كورسەتىلگەن مەكەنجايلاردى ارالاعان كەزدە جاسىل الاڭدا ءماز بولىپ، دوپ تەۋىپ، جۇگىرىپ جۇرگەن بالالاردى كورە المادىق. ەگەر وسكەمەندەگى جاعداي وسىنداي بولسا، باسقا قالالار مەن اۋداندار تۋرالى جاق اشپاي-اق قويايىق. سوعان قاراعاندا ءبىر-ەكى ايدان سوڭ اتالىپ وتەتىن قازاق فۋتبولىنىڭ ءجۇز جىلدىق مەرەيتويىنا دەيىن شىعىستا ءجۇز فۋتبول الاڭى تولىقتاي جەتكىنشەكتەردىڭ يگىلىگىنە بەرىلەتىنىنە سەنۋ قيىن. وسىدان سوڭ قازاق اياق دوبىنىڭ كوشى قالاي كەرى كەتپەيدى؟!

ايتپاسقا امال جوق تاعى ءبىر جايت، وسكەمەندەگى جۇمىس ىستەپ تۇرعان شاعىن فۋتبول الاڭدارىنىڭ كوپشىلىگى قاڭىراپ بوس تۇر. مەكتەپتەردىڭ بالانسىنا بەرىلسە دە قاراۋسىز قالعان الاڭداردىڭ نە جارىعى جانبايدى، نە ءىشى قوقىسقا تولىپ، قورشاۋى قيراپ جاتادى. ءبىر عانا مىسال، وسكەمەن ۆوكزالى ماڭىنداعى سيگنال دۇكەنىنىڭ ارتىندا ورنالاسقان شاعىن فۋتبول الاڭىنىڭ جارىعى قىستىگۇنى جانادى دا، جاز شىقسا بولدى قاس قىلعانداي ءسونىپ تۇرادى. بۇدان كەيىن ول جەرلەرگە كىم بارسىن؟..

شىعىس قازاقستان وبلىسى فۋتبول قاۋىمداستىعىنىڭ كەزەكتى ءبىر جيىنىندا ايماق باسشىسى بەردىبەك ساپارباەۆ: – فۋتبول كومانداسى ءاربىر اۋىلدا بولۋى كەرەك. ول ءۇشىن ەڭ الدىمەن دوپ وينايتىن الاڭداردى اشقان دۇرىس. سوندا عانا ءبىر ناتيجەگە قول جەتكىزەمىز. بيىلعى قازاقستان فۋتبولىنىڭ عاسىر تويىنا ارناپ وبلىستا ءجۇز جاساندى فۋتبول الاڭىن ىسكە قوسساق، ول، ەڭ اۋەلى، بۇقارالىق سپورتتى دامىتۋعا، بالالار مەن جاسوسپىرىمدەردى سالاۋاتتى ءومىر سالتىنا باۋلۋعا ىقپالىن تيگىزەدى. سوندىقتان بۇل مىندەتتى ىسكە اسىرۋدى اۋداندار مەن قالالاردىڭ اكىمدەرىنە، ءتيىستى باسقارمالار باسشىلارىنا جۇكتەيمىن، – دەپ قاداپ تۇرىپ ايتقان.   

ازىرگە كاتونقاراعاي مەن زايسان اۋداندارىنان باسقا ەشبىر ەلدى مەكەندە جاڭادان فۋتبول الاڭى اشىلدى دەگەن اقپاراتتى كەزدەستىرمەدىك. قازاق فۋتبولىنىڭ وتانى سانالاتىن سەمەيدىڭ وزىندە سالىنۋى جوسپارلانعان ون جاساندى الاڭنىڭ ءبىر دە بىرەۋىندە تەڭبىل دوپتى تەۋىپ جۇرگەندەردىڭ قاراسىن كورە المايسىز. ابىروي بولعاندا، شاھارداعى «سپارتاك» ستاديونىنا 526 ملن. تەڭگە قارجىعا جۇرگىزىلىپ جاتقان كۇردەلى جوندەۋ جۇمىستارى قازىرگى ۋاقىتتا ءبىراز ەڭسەرىلىپ قالدى. سەمەي قالالىق سپورت جانە دەنەشىنىقتىرۋ ءبولىمىنىڭ باستىعى مۇرات قۇرجىقاەۆتىڭ ايتۋىنشا، جىلۋ جەلىلەرى، ەلەكتر ەنەرگياسى، جارىعى تولىعىمەن قالپىنا كەلتىرىلمەك. الاڭعا ەلەكتروندى تابلو مەن جارىق شامدار ورناتىلادى. جوندەۋ جۇمىستارى 20 مامىردان باستالعان. تامىزدىڭ ونىنا قاراي، ياعني، مەرەيتوي باستالار الدىندا تامامدالماق.

Abai.kz