كەنتاۋ جەو-سىن كۇردەلى جوندەۋ: ءاليحان سمايىلوۆ جۇرگىزىلىپ جاتقان جۇمىس بارىسىمەن تانىستى
![](https://abai.kz/content/uploads/2023/10/aa-3.jpg)
تۇركىستان وبلىسىنا جۇمىس ساپارى بارىسىندا قر پرەمەر-ءمينيسترى ءاليحان سمايىلوۆ كەنتاۋ قالاسىنىڭ جەو-سىنا بارىپ، ونداعى جىلىتۋ ماۋسىمىنا دايىندىق جۇمىستارىنىڭ بارىسىمەن تانىستى.
كەنتاۋ جەو-سى 3 مىڭنان استام نىساندى، ونىڭ ىشىندە كوپ قاباتتى جانە جەر ۇيلەردى، كوممەرتسيالىق جانە بيۋدجەتتىك ۇيىمداردى جىلۋمەن جانە ەلەكتر ەنەرگياسىمەن قامتاماسىز ەتەدى. قازىرگى ۋاقىتتا مۇنداعى 6 قازاندىققا سوڭعى 10 جىلدا ءبىرىنشى رەت كۇردەلى جوندەۋ جۇمىستارى جۇرگىزىلىپ وتىر.
«بۇگىنگى تاڭدا 4 قازاندىق تولىعىمەن دايىن. قالادا جىلىتۋ ماۋسىمى جوسپار بويىنشا 1 قاراشادان باستالۋى كەرەك. سونىمەن قاتار قوسىمشا 2 قازاندىق كۇردەلى جوندەۋدەن وتەدى، بۇل دا جەو جۇمىسىنىڭ تۇراقتىلىعىن قامتاماسىز ەتۋگە سەپتىگىن تيگىزەدى»، — دەدى ءاليحان سمايىلوۆ.
پرەمەر-مينيستر وبلىس اكىمدىگىنە جىلىتۋ ماۋسىمىنىڭ قالىپتى ءوتۋى ءۇشىن جابدىقتاردىڭ بارلىعىن جەدەل جانە ساپالى تۇردە ىسكە قوسا وتىرىپ، تەكسەرۋ جۇمىستارىن جۇرگىزۋدى تاپسىردى.
Abai.kz